Rokstu sagataveja: portals lakuga.lv

Īsuocūt vosoru, itamā nedeļā kulturys īsacejumus sagatavejuse žurnaliste, dzejneica i portala lobs.lv leidzveiduotuoja Egita Terēze Jonāne. Jei pīduovoj treis vareibys baudeit kulturu, kas varātu tikt ari par goru kužynojūšom nūstuošonom.

Atrast laiku lyugšonai

4. junī katuoļu dīvnomūs svietejam Kristus Vysusvātuos Mīsys i Ašņa svātkus. Ir breineigi rast laiku lyugšonai, i, piec munys pīredzis, tei svietej i sorgoj kai pošu, tai leidzcylvākus.

Īskrīt teatra maratonā Daugovpilī

Nu 31. maja da 4. juņa Daugovpiļs teatrī nūteik “Teatra festivals Nr. 5”, i es tycu, ka beleti vys vēļ ir daīmami. Tys ir vasareigs pīdzeivuojums teātra mīļuotuojim! Festivala programa atrūnama ITE.

Saklauseit gruomotys

Gruomotu pasauļs ir tik boguoteigs… Itamā reizē lai uzrunoj Silvijis Bricis “Piktais sentiments” i Bārnu žurejis gruomota “Klātbūtne”, kurys autors ir Andris Akmentiņš, bet ilustracejis veiduojs Krišs Salmanis. Gruomotā “Klātbūtne” teik atkluotys tāva sarunys ar bārnim dzejis volūdā, bet ilustracejis veiduotys plastilina muokslys tehnikā, kas ir eipaši uzrunojūša.