Vladislava Luoča symtgodis pasuocīņs Rēzeknis Centralajā bibliotekā

Anna Keirāne, Rēzeknis Centraluo biblioteka

.

Ituo goda 26. janvarī Rēzeknis Centralajā bibliotekā nūtyka latgalīšu izdevieja i literata Vladislava Luoča (Vladislava Lōča) symtgadei veļteits pasuocīņs, kuru apmeklēja na mozs skaits latgalīšu volūdā runojūšūs i skaitūšūs i cytu interesentu.

Apmaklātuoji varēja apsavērt breineigu Rēzeknis Centraluos bibliotekys kruojumā asūšūs latgalīšu gruomotu i presis izdavumu izstuodi i bibliotekys nūvodpietnīceibys kruojumā asūšūs materialus par pošu izdevieju. Seikuok par itom boguoteibom pastuostieja bibliotekys vacuokuo bibliografe Ruta Suseja.

Literaturys viesturneica I. Salceviča, kura ir ari V. Luoča gruomotys „Tautas gors” izsmeļūšuo prīškvuorda autore, pastuosteja par sarežgeitū laiku, kurā dorbuojuos V. Luocs, i paleidzēja īsuokt ritinuot atmiņu komuleiti par Luoci kai cylvāku, kai vīnu nu myusim. Atmiņuos i puordūmuos dalejuos ari juo bruoļadāls Pīters Luocs, kurs ir Lagalīšu rakstnīceibys muzeja uzturātuojs Rēzeknē. Valdis Labinskis atsacerējēs laiku, kod krystuojušīs juo i slavonuo izdevieja celi, i lyka aizadūmuot, cik daudz taidu pošaizlīdzeigu cylvāku, kas sevi vysu, nagaidūt atleidzeibu, atdūd idejai, Latgolai i latgaliskuo kūpšonai, varam satikt šūbreid…

Prūtams, vīns nu taidim ratajim myusu dīnuos ir V. Luoča dorba turpynuotuojs Juoņs Eļksnis, Latgalīšu Kulturys centra izdevnīceibys vadeituojs, kurs ari pastuostieja, kai izdevnīceibai veicās, cik padareits (vairuok nakai 400 nūsaukumu gruomotu laists tautā), kas planavuots iz prīšku.

Ari citim Latgolys patriotim beja kū saceit, kotram sovs redziejums, kai nūturēt latgalīšu volūdu, tuos tradicejis, kai dorbuotīs turpmuok, lai nazustu myusu tauta i volūda, lai dorbs nastu augļus, lai jaunuotne ari runuotu i skaiteitu latgaliski.

Apmaklātuoji ar audioīroksta paleidzeibu varēja īsaklauseit ari poša Vladislava Luoča bolsā. Pasuocīni muzykali kuplynuoja Rēzeknis kulturys noma folklorys kūpa „Vīteri” – jaunuokuo paaudze, iz kuru tagadejī cansūni līk cereibu.

Pasuocīņs nūsaslēdze ar optimistiskim vuordim, kas izraiseja aplausu šalkys, – latgalīts ir latvīts ar kvalitatis zemi. Turēsim gūdā sovu kulturu i skaiteisim latgaliski, lai nav veļteigs raksteituoju i izdevieju dorbs! I lai otkol kaidreiz myusu literaturu pīmeklej „pavasara plyudi”, kai tys sovā laikā beja vuocu okupacejis godūs!

.

Kartenis: Rēzeknis Centraluo biblioteka

Print Friendly, PDF & Email

Kalenders

Jun
15
Sai
all-day Gitys Palmys izstuode “Vilcienu ... @ Roberta Mūka muzejs
Gitys Palmys izstuode “Vilcienu ... @ Roberta Mūka muzejs
Jun 15 all-day
Nu 12. apreļa da 15. juņa Roberta Mūka muzejā Gaļānūs apsaverama muokslineicys Gitys Palmys gleznu izstuode “Vilcienu meitenes stāsts”. Izstuodē apsaveramys i vairuoku godu laika periodā radeituos, i publikai īprīšk naparuodeitys, kai ari pavysam jaunys[...]
10:00 Bruņojīs ar zynuošonom. Informat... @ Rēzekne, Kulturys i atpyutys parks
Bruņojīs ar zynuošonom. Informat... @ Rēzekne, Kulturys i atpyutys parks
Jun 15 @ 10:00 – 15:00
Bruņojīs ar zynuošonom. Informativuo dīna @ Rēzekne, Kulturys i atpyutys parks
Informativuo dīna dzeivuotuojim “Bruņojies ar zināšanām”.