Grupa “Krampis” īrakstejuse dzīsmi “Skaista muna leigaveņa”

Grupa “Krampis” īrakstejuse dzīsmi “Skaista muna leigaveņa”
Grupa „Krampis” nu Leivuona vosorā naatsapyuš, bet ražani ir pastruoduojuse i klauseituoju viereibai pīduovoj jaunuokū padareitū dorbu – dzīsmis „Skaista muna leigaveņa” studejis īrokstu.

Dzīsme „Skaista muna leigaveņa” ir latgalīšu tautysdzīsme grupys dalinīku aranžejā – kotrs dalics sovu dūmu i ideju, bet dzīsme īraksteita studejā „Lauska”, ar kuru grupa sasadorboj jau nu pyrmuos dzīsmis. Skona inženers – Kaspars Bārbals nu grupom „Skyforger” i „Auļi”.

Reizē ar dzīsmi “Skaista muna leigaveņa” īraksteita ir ari vēļ vīna grupys dzīsme, bet tei ceļu pi klauseituojim izsuoks vaira iz rudiņa pusi.

Pošu reizi „Krampis” radūši struodoj i tyvuokā laikā byus radzams vairuokūs festivalūs i koncertūs – 4. augustā pa dīnu muzykys festivalā LABA DABA, bet tuos pošys dīnys vokorā ari muzykys festivalā „Osvalds”  Baļtinovā.

6. augustā grupu varēs dzierdēt 3. Pasauļa latgalīšu saīta laikā Rēzeknē, kai ari augusta beiguos Ūgris piļsātys svātkūs.

Vaira par grupu “Krampis” skaiti jūs muzykys profilā http://www.draugiem.lv/thekrampis/

.

Karteņā – grupa „Krampis” koncertā „Taiseits Latgolā” JVLMA „Studentu klubā”, foto LaKuGa

Print Friendly, PDF & Email

Komentari

Kalenders

May
28
Ūtr
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
May 28 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
May
29
Tre
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
May 29 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
19:00 Grupys “Saucējas” koncerts i daņ... @ Reiga
Grupys “Saucējas” koncerts i daņ... @ Reiga
May 29 @ 19:00 – 21:00
Latvejis Kulturys akademejis tradicionaluos dzīduošonys grupa “Saucējas” trešdiņ, 29. majā, 19.00 aicynoj is koncertu Āgenskolā Pāvula Jurjāna muzykys školys estradē, Bolūžu īlā 24.