Byus tradicionalais daņču muzykantu saīts Rūžupē

Byus tradicionalais daņču muzykantu saīts Rūžupē

Reitu, jau 17. godu Rūžupē sasapuļcēs muzykanti nu dažaidim Latvejis nūvodim, kab pīsadaleitu tradicionalajā Daņču muzykantu saītā. 

Rūžupis estradē daņču suokys byus 20:00 i kai īrosts – muzykanti na viņ spēlēs, nu jūs vērtēs ari kompetenta žureja, kurys sastuovā byus ari dzīduotuojs Daiņs Skuteļs. Doncuotuojus prīcēs taidys grupys: “Nakts ekspresis”, “Velēnmuižas muzikanti”, “Zasas muzikanti”, “Ķiršu ielas muzikanti”, “Robežpunkts”, “Rožmalu muzikanti”, “Dopings”, “Daugavieši”, “Variants”, “Kiwi”, “Avārijas brigāde”.

Saītu vadeis Dailis teatra akters Gints Grāvelis. Eipašī gosti – deju grupa „Ķengurroks”, „Nebesa” i Reigys cirka muokslenīki. Īejis muoksa 2,00 Ls, piec 21:00 – 3,00 Ls. Bārnim da 12 godu vacumam īeja bez moksys.

Daņču muzykantu saīts Rūžupē ir breineiga īspieja dzierdēt i īpazeit vēļ nadzierdātys, jaunys grupys, kai ari dzierdēt jau pazeistamu, popularu i īmeiļuotu grupu uzastuošonu. Saīta muzykaluo programa kotru godu teik taiseita cīši dažaida, kab labi sasajustu kotrys paaudzis i muzykaluos gaumis interesenti.

Latgolys Regionaluos televizejis sižets par pārnuo goda saītu Rūžupē

.

Karteņa – publicitatis materiali

Kalenders

May
23
Pīk
14:00 Gruomotys “Fotogrāfi Daugavpilī ... @ Daugovpiļs Nūvodpietnīceibys i muokslys muzejs
Gruomotys “Fotogrāfi Daugavpilī ... @ Daugovpiļs Nūvodpietnīceibys i muokslys muzejs
May 23 @ 14:00 – 15:30
Nikolaja Škuta gruomotā “Fotogrāfi Daugavpilī 1920-1940” apsavārtys Daugovpiļs 39 fotografu i fotosalonu kartenis, dagrīžūt viereibu tūs zeimūgim, izmontuotajam fotopapeiram i fotografeju izgataveišonys laikam.
May
24
Sai
12:00 Saimu folkfestivala “Taka” dīnys... @ "Jaunā Teika"
Saimu folkfestivala “Taka” dīnys... @ "Jaunā Teika"
May 24 @ 12:00 – 18:45
Pīsadola: “Garatakas” jaunīšu kapela, folklorys kūpa “Ceiruleits”, folklorys kūpa “Tarkšķi”, Juoņa Ivanova Rēzeknis muzykys vydsškola, folklorys kūpa “Rūžupis veiri”, muzykaluo apvīneiba “Trio Bille”, folklorys kūpa “Skandinieki”, vokalais trio “Kalme”, folklorys kūpa ”Garataka”, Melkutus Party (FIN),[...]