21. augustā Rogovkā suokuos školuotuoju i studentu vosorys kursi „Vosoruošona” ar golvonū temu atgalīšu volūdys vuiciešona školā pec jaunuo standarta i muoceibu prīkšmata “Latgalīšu rokstu volūda” programys.

Kursu pādejuo dīna byus reitu, nu ir sajimtys eisys viests nu Rogovkys pusis, par tū, kai jim tī īt. Vaira – piec kursu beigom.

Piec jau īrostuos reitišku telpys pīskandynuošonys ar „Ai, galdeni, ai, galdeni”, 30 vosoruotuoji dūdās iz kuortejū lekceju, kur klius na viņ zynūšuoki i erudituoki, nu i patriotiskuoki. Sejuos leidz ar smaidu drupeit jaušams i nūgurums, bet kai tod nā – 2 dīnu laikā jau paspāts ari padzīduot i padoncuot, i piertī pasapērt, pasaklauseit ailinīkūs, apsavērt Rogovku i Nautrānu pogostu, kur itūgod i vyss nūteik, pīdzeivuot mūdis skati, erotiskū kustiešonūs, i vēļ i vēļ. Tys vyss, prūtams, īt viņ lobumā – tai, piec 1.vokora puorbaudem, atzyna eipašuo „Vosoruošonys” doktoru komiseja. Ari poši dalinīki atziest, ka „Vosoruošona” i latgalīšu volūaa ir kai ritiņs, i iz vītys nastuov ni minota, deļ tuo ar napacīteibu gaida, kas jim vēļ prīškā!

Vosoruotuoju vuordā Daiga