Seikšaļtenis Viļānu tiergā

Seikšaļtenis Viļānu tiergā

Viļānu tiergs kai nagaistūša vierteiba – jau gondreiž divdesmit godu nu 1993. goda 1. maja kotra mieneša ūtrajā svātdīnē mīsta īlys puorjem puordūt i pierkt grybūši cylvāki. Pavasar ar samtiņu, kuopustu stuodim i seikajim seipulenim, cuolim, zūsalānim, kačalānim, syvānim, luopstom, sokumim i gaiseigom pavasara suknem, vosor ar jaunajom visteņom, vosorys uobelim, plūmem, raibom kleitom i pučainim šortim, tapkom i trušim, rudiņ ar nūbarojamim indykim, gailim, peilynim, sunalānim, uobeļneicu i grušu stuodim, rīkstim, karpom i kažukim, zīm ar vystom, sunim, uobelim, seipulim, lupotom i dzeļžim.

A kuo tik nav Viļānu tiergā – nu kitaiskūs kadaku, batareju, speiguļu, galis mašynu i žurku slozdu, nu turku i belarusu lupotu, nu krīvu dzeļžu, gumejnīku i poļaku pūdu, konu, trauku i soldonumu da latvīšu maizis, galis, vystu, peiļu, suņu, uobeļneicu i vīšņu stuodu. Nu unučkenis speideigūs auskoru i unuka nakleiku mašynai da babys cymdu i dzeda vasaru.

Vyss kai dzeivē – saņtims pi saņtima, kramaslys pi kramasla, cylvāks pi cylvāka. Kotrai montai ak jau ir sovs pierciejs – i vacai radejai, i jaunam divanam, i kažukam ar humpalu smoku, i speideigam bļaka spaņam, i pļaumašynai, i izkapts kuotam. Saimisteibā vysa kuo vajag. Cikom vysa kuo vajag, vysa kas i teik vasts iz Viļānim i tierguots.

Reizi mienesī Viļāni puorsataisa nu klusa Latgolys mīsta par tierga vītu. Sabrauc ļauds nu tyvys i tuolys apleicīnis, nu sābru mīstu, nūvodu i vaļstu i rauga puordūt atvastū i tikt pi eistuo monta, rauga atrast sev saimisteibā, sātā i škapī vajadzeigū.



Kartenis – Ilze Sperga, 2012. goda 14. oktobrī Viļānūs

Pyrmais video – Latgolys Regionaluo televizeja

Ūtrais video – ekcat

Komentari

Kalenders

Jul
15
Ūtr
19:00 Leivuona piļsātys svātki @ Leivuons
Leivuona piļsātys svātki @ Leivuons
Jul 15 @ 19:00 – Jul 19 @ 23:45
Ar pylnu svātku programu var īpasazeit ITE.
Jul
17
Cat
19:00 Izruode “Mazpiļsāta” @ "Ulbrokas pērle"
Izruode “Mazpiļsāta” @ "Ulbrokas pērle"
Jul 17 @ 19:00 – 21:00
“Pannas Teātris” skateituojim pīduovoj izruodi – slovonuokuos myusu dīnu Latgolys lugu autoris Danskovītis jaunuokū komedeju. Izruodis režisors Juris Rijnieks liks akterim Zanei Daudziņai, Aldim Siliņam, Elīnai Vānei, Jānim Skanim voi Jurim Lisneram runuot ari latgaliski[...]
Jul
18
Pīk
all-day Vikys Ekstys izstuode “Bēres Slo... @ galereja "Alma"
Vikys Ekstys izstuode “Bēres Slo... @ galereja "Alma"
Jul 18 all-day
Galerejā “Alma” byus apsaverama Reigys Fotografejis bienalis “Next 2025” programā īkļautuo Vikys Ekstys personalizstuode “Bēres Slobodā”. Izstuodis kuratore ir Astrīda Riņke. Dokumentalū video par ituos izstuodis dorbu kopiešonys procesu analogajā foto laboratorejā taisejs Kristians Fukss. [...]