LR Satversmis latgaliskuo verseja niu skaitoma ari škārsteiklā

LR Satversmis latgaliskuo verseja niu skaitoma ari škārsteiklā

Šudiņ sovu 90. jubileju simboliski svietej Latvejis Republikys pamatlykums – LR Satversme. Latvejis Republikys Satversme ir pījimta 1922. goda 15. februārī, izsludynuota 1922. goda 30. junī oficialajā laikrokstā „Valdības Vēstnesis” i stuojusēs spākā 1922. goda 7. novembrī. Piec naatkareibys atjaunuošonys Latveja apzynuoti izaškeire atjaunot i sovys vīneiguos konstitucejis darbeibu. Satversme i niu ir myusu vaļsts konstitucionaluos īkuortys pamats. 

Par gūdu jubilejam itūgod tyka izdūts eipašs Satversmis  izdavums, kurā publicāts Satversmis teksts ostiņuos volūduos, kurūs vydā pyrmū reizi ari latgalīšu rokstu i lībīšu volūda. Izdavums tyka svineigi attaiseits ituo gods 13. junī, nu šudiņ – Satversmei tik svareigajā dīnā, vaļsts pamatlykuma tulkuojumi itymuos volūduos elektroniskuos versejuos tyka publicāti „Latvejis Viestneša” portālā www.lvportals.lv, kur niu sevkurs var puorskaiteit Satversmi ari latgaliski.

Tulkuojuma tapšonā latgaliski ar tulkuošonys, korekturys i redigiešonys dorbu, konsultacejom i padūmim Ilzis Spergys vadeibā struoduojuse latgalīšu volūdnīku grupa: Dr. philol. Ilze Sperga, Dr. philol. Lideja Leikuma, Mg. philol. Muora Mortuzāne, Dr. philol. Anna Stafecka, Mg. philol. Marita Lasmane, Mg. philol. Kristīne Zute i Eta Nikolajeva.

Kartenis nu jubileja izdevuma atkluošonys verīs ITE.

LR Satversme Latgaliski

Kalenders

May
23
Pīk
14:00 Gruomotys “Fotogrāfi Daugavpilī ... @ Daugovpiļs Nūvodpietnīceibys i muokslys muzejs
Gruomotys “Fotogrāfi Daugavpilī ... @ Daugovpiļs Nūvodpietnīceibys i muokslys muzejs
May 23 @ 14:00 – 15:30
Nikolaja Škuta gruomotā “Fotogrāfi Daugavpilī 1920-1940” apsavārtys Daugovpiļs 39 fotografu i fotosalonu kartenis, dagrīžūt viereibu tūs zeimūgim, izmontuotajam fotopapeiram i fotografeju izgataveišonys laikam.
May
24
Sai
12:00 Saimu folkfestivala “Taka” dīnys... @ "Jaunā Teika"
Saimu folkfestivala “Taka” dīnys... @ "Jaunā Teika"
May 24 @ 12:00 – 18:45
Pīsadola: “Garatakas” jaunīšu kapela, folklorys kūpa “Ceiruleits”, folklorys kūpa “Tarkšķi”, Juoņa Ivanova Rēzeknis muzykys vydsškola, folklorys kūpa “Rūžupis veiri”, muzykaluo apvīneiba “Trio Bille”, folklorys kūpa “Skandinieki”, vokalais trio “Kalme”, folklorys kūpa ”Garataka”, Melkutus Party (FIN),[...]