Drycanu pogostā pastateitys jaunys informativys zeimis

Drycanu pogostā pastateitys jaunys informativys zeimis
Jau ūtrū godu piec kuortys Drycanu kulturys noms veiksmeigi pīsadaleja VAS „Latvijas Hipotēku un zemes banka” klientu kluba „Mēs paši” reikuotajā projektu konkursā. Itūgod finansiali podturāts projekts „Drycanu pogosta kultuviesturiskuos pērlis”, kura mierkis beja popularizēt Latgolys kulturviesturiskū montuojumu, pīduovojūt kvalitatitu turisma produktu Latgolā.

Projekta laikā pastateiti četri informativi stendi latvīšu i angļu volūduos pi īvāruojamuokajim Drycanu pogosta kulturviesturiskajim objektim: Piļcinis Sv. Ontona Ruomys katuoļu bazneicys, Drycanu Sv. Seimaņa i Sv. Judaša Ruomys katuoļu bazneicys, Piļsinis kopim, kai ari pīminis vītā vysu okupaceju uperim. Projekta kūpejuos izmoksys sastateja drupeit vaira kai 300 latu, nu kurim 254 latus deve Hipoteku banka, nu puorejī 50 beja pošvaļdeibys leidzfinansiejums.

Kai soka projekta eistynuotuoji – projekta rezultatus izmontuot varēs na viņ pogosta i Rēzeknis nūvoda īdzeivuotuoji, nu ari Latgolys turisti. Pogosta kulturviesturiskuos vītys ar jaunajom zeimem byus pīviļceiguokys, izgleitojūšys i interesnuokys plašam turistu puļceņam, nu pasalelynojūt gostu skaitam, gon Drycani, gon vysa Latgola byus zynomuoka.

Pārn taidā pat bankys klientu kluba projektu konkursā eistynuots projekts i sataiseita nūjume breivdobys estradei Drycanu bierztaleņā.

Genovefa Jonāne, Drycanu kulturys noma vadeituoja 

Informacejis olūts Rēzeknis nūvoda sātys lopa

Karteņuos – informativuos zeimis

Print Friendly, PDF & Email

Komentari