Austrumlatvejis Literaruo akademeja izsludynoj dalinīku papylduzjimšonu

Austrumlatvejis Literaruo akademeja izsludynoj dalinīku papylduzjimšonu

Austrumlatvejis Literaruo akademeja sovu dorbu suoce 2012. godā Daugovpiļs Universiteta paspuornē, tuos darbeibu finansēja Latgolys Kulturys programma. Itamā godā akademeja turpynuos sovu darbeibu i izsludynoj dalinīku papylduzjimšonu. Pīsateikt var leidz 2013. goda 25. janvarim elektroniski pa e-postu aladu@inbox.lv. Pīteikumā juonūruoda itaidys zinis: telefona numers, e-posta adress, dzeivis vīta, vacums, kai ari pretendetam vālams īsyuteit vīnu sovu tekstu latvīšu, krīvu, latgalīšu ci pūļu volūdā breivā nūformiejumā. Nūdarbeibys paradzātys 1–2 reizis mienesī pīktdinēs ci sastdinēs, nūdarbeibu apmekliejums bez moksys.

Akademejis darbeibys mierkis ir izveiduot instrumentu rakstnīceibys īmaņu populariziešonai Daugovpilī i Austrumlatvejā, kai ari īpazeistynuot Latvejis kulturtelpu ar talanteigim Austrumlatvejis literatim.
Da šam Literarū akademeju ir apmekliejušs dažaida vacuma tūpūšī rakstnīki nu Daugovpiļs, Rēzeknis, Preiļim, Bieržgalis, Maļinovys, kas jau īprīkš izapaudušs ar sovu rodūšū potencialu. Jaunūs autoru dorbi tūp gon latvīšu i latgalīšu, gon pūļu volūdā.
Vaira par Austrumlatvejis Literarū akademeju var skaiteit Daugovpiļs Universitatis sātys lopā.

Papyldus informaceju var sajimt pi Maijis Burimys (tel. 65424238; e-posts: maija.burima@du.lv).

Karteņa: DU sātys lopa

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]