Latvejis gruomotu svātkūs byus latgalīšu gruomotu stends

Latvejis gruomotu svātkūs byus latgalīšu gruomotu stends

Latvejis gruomotu svātkūs, kas Kīpsolys izstuožu hallē, Reigā, nūtiks nu 28. februara leidz 3. martam, dorbuosīs latgalīšu gruomotu stends, kurā bīdreiba „Latgolys Studentu centrs” pīduovuos dažaidu izdevieju gruomotys latgaliski voi par Latgolu, kai ari latgalīšu muzykys īrokstus. Gruomotu svātku laikā nūtiks div latgalīšu gruomotu: bārnu kruosojamuos gruomotys „Munā sātā” i Emilejis Kalvānis dzejūļu kruojuma „Atvosora” prezentacejis.

2. martā 10:30 stuņdēs nu reita izstuodē byus latgalīšu bārnu reits i kruosojamuos gruomotys „Munā sātā” atvieršona — izstuodis apmaklātuojim byus īspieja īsapazeit ar gruomotys varūnim i jūs pīdzeivuojumim Latgolys lauku sātā.

2. martā 17:00 stuņdēs vokorā byus Emilejis Kalvānis gruomotys „Atvosora” svātki — byus īspieja satikt pošu autori i dzierdēt juos dzeju.

Gruomota „Munā sātā” izīs jau tyvuokajā laikā i byus pyrmuo taida veida gruomota latgalīšu volūdā: kruosojamā gruomotā zeimiejumi apvīnuoti ar originalliteraturys saceriejumim: prozu, dzeju i meiklem latgalīšu volūdā. Gruomotai ir 3 burtneicys ar tekstim i malnboltim zeimiejumim,  kas apvīnuotys kruosainā mapē.

Gruomotys „Munā sātā” ilustraceju autore ir Rudeite Kaša. Gruomotu izdavuse z/s „Jākupāni”, kas Andra Slišāna vadeibā turpynoj dzejnīka Ontona Slišāna īsuoktuos latgalīšu izdeviejdarbeibys tradicejis.

Dzejūļu kruojums „Atvosora” ir Emilejis Kalvānis ūtruo gruomota, kas izguojuse paguojušuo goda nūgalē. Tei ir dzeivis gudra i vysa kū dzeivē pīredziejuša cylvāka raksteita dzeja. Te sūpluok ir bierneibys atminis, tyvajim i sovai Latgolai naatdūta poruoda sajiuta, mīlesteiba i atziņa, ka „mīlesteiba nanūvecej, viņ ar godim vairuok zyna”, gryutuo nūlicīņa nosta i juos paceļšona. Vysam cauri — speiteiga cereiba vystik dzeivuot i sovuos suopēs pasaceļt puori švakajam klusā, tok nūtureigā ticeibā Dīvam i pateiceibā dzeivē satyktajim cylvākim i gora radinīkim.

Emileja Kalvāne (1944) ir dzymuse Mērdzinis pogosta Styglovā. Jauneibā autore ir pīsadalejuse Mirdzys Kempis Jaunūs autoru apvīneibā, bet latgaliski roksta i publicejās viņ nu 1995. goda. Juos pyrmuo gruomota „Lobuo dīna” (2003) ar atsauceibu tyka pījimta i literaturzynuotnīku, i vīnkuoršūs skaiteituoju vydā. Gruomotys izdeviejs ir SIA „Cymuss.

Latvejis gruomotu svātki Kīpsolys izstuožu hallē nūtiks nu 28. februara leidz 3. martam. Dorba laiks pīktdiņ i sastdiņ byus nu 10 stuņžu reitā leidz 18:00 stuņžu vokorā, svātdiņ — leidz 17:00 stuņdem vokorā.

Latgalīšu gruomotu stends Latvejis gruomotu svātkūs Kīpsolā byus jau catūrtū godu piec kuortys. Latgalīšu gruomotu stendu organizej bīdreiba „Latgolys Studentu centrs”.

 
Karteņa: LaKuGys arhivs
Ziņu sagataveja: Ilze Sperga

Print Friendly, PDF & Email

Kalenders

Feb
24
Sai
14:00 Koncertizvadums “Atgriežamies La... @ Latvejis Nacionalais teatris
Koncertizvadums “Atgriežamies La... @ Latvejis Nacionalais teatris
Feb 24 @ 14:00 – 16:00
Latgolys cylvāku spāks i humora dzierksts, kai ari vaira nakai 100 nūspālātys “Latgola.lv” izruodis īdrūsynuojušys autorus taiseit koncertizvadumu “Atgriežamies Latgolā”. Itamā kompanejā ir apsavīnuojuši režisors Valdis Lūriņš, komponists Valdis Zilveris, dzīšmu tekstu autors Jānis Peters,[...]
18:00 Koncertizvadums “Atgriežamies La... @ Latvejis Nacionalais teatris
Koncertizvadums “Atgriežamies La... @ Latvejis Nacionalais teatris
Feb 24 @ 18:00 – 20:00
Latgolys cylvāku spāks i humora dzierksts, kai ari vaira nakai 100 nūspālātys “Latgola.lv” izruodis īdrūsynuojušys autorus taiseit koncertizvadumu “Atgriežamies Latgolā”. Itamā kompanejā ir apsavīnuojuši režisors Valdis Lūriņš, komponists Valdis Zilveris, dzīšmu tekstu autors Jānis Peters,[...]
19:00 Grupys “Galaktika” albuma prezen... @ Līpuojis koncertzāle "Lielais dzintars"
Grupys “Galaktika” albuma prezen... @ Līpuojis koncertzāle "Lielais dzintars"
Feb 24 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]