Pīduovojam nūsaklauseit producentu grupys SIA „Lietišķā Latgale” taiseitū raidejumu „Pi myusim Latgolā!”.

Itūnedeļ raidejumā:

• par Rēzeknis pilsātys i nūvoda īdzeivuotuoju suopi pyrmsvieliešonu laikā, par deputatu dorbim i naizpildeitajim sūlejumim;
• par NEPLP orgnizātū Latgolys medeju diskuseju itūnedeļ Daugovpilī. Diskusejā tyka runuots par divom Latvejis medeju telpom – tei ir mīts ci realitate, kai puorvarēt itū plaisu;
• par koncertzalu „Gors”, apmaklātuoju atsauksmem piec pyrmajim pasuokumim.

Raidejums tūp NEPLP reikuotuo konkursa “Par raidījumu veidošanu 2013. gadā Latgales reģionālajos un vietējos plašsaziņas līdzekļos, kas raida radio programmas” gaitā.

Raidejums „Pi myusim Latgolā!” skaņ pīktdinem 18:00 Latgolys Radejā, sastdinem 16:00 Rēzeknis radejis „Ef-Ei” ēterā, taipat tū var atrost i nūsaklauseit škārsteikla lopuos lakuga.lv, latgale.lv i i-rezekne.lv.