Pi myusim Latgolā! – 14.06.2013.
Pīduovojam nūsaklauseit producentu grupys SIA „Lietišķā Latgale” taiseitū raidejumu „Pi myusim Latgolā!”.
Itūnedeļ raidejumā:
- tiks nūskaidruots, voi latgalīšu „špeks” i „gruceite” īt pi sirds sābrim Krīvejā, kur ar sovim tradicionalajim iedīnim, dančim, dzīsmem i dorbim naseņ gasteja Latgolys omotnīki i folklorys kolektivi;
- pyrms vosorys saulgrīžim raidejuma veiduotuoji dūdās iz Ludzu, lai nūskaidruotu, kas gaidoms Lelajā latgaļu tiergā i kaidys kūpumā ir tierguošonuos tradicejis Latgolā;
- raidejums gastej pi pūdnīka Mihaila Sabanska, kas sovulaik Ludzys Lelajā latgaļu tiergā myurēja keramikys apdadzynuošonys cepli.
Raidejums „Pi myusim Latgolā!” skaņ pīktdinem 18:00 Latgolys Radejā, sastdinem 16:00 Rēzeknis radejis „Ef-Ei” ēterā, taipat tū var atrost i nūsaklauseit škārsteikla lopuos lakuga.lv, latgale.lv i i-rezekne.lv.
