Kruoslovys amatnīku bruoliste aicynoj iz Nakts pastaigu

Kruoslovys amatnīku bruoliste aicynoj iz Nakts pastaigu

Kruoslovys amatnīku bruoliste 21. junī piec saulis rīta aicynoj iz Nakts ekskurseju Kruoslovā, lai kūpā meistaruotu Saulis zeimi, baudeitu Daugovys lūku zaļūs čajus, pīmynātu Leigū svātku ticiejumus i tradicejis, dūtūs naksneigā pastaigā pa Kruoslovu, apsaverūt izgaismuotū strūklaku „Pīci airi”, Kruoslovys viesturiskū centru, Kruoslovys Sv. Ludviga Rūmys katuoļu bazneicu i grafu Plāteru piļs parku. Nakts ekskursejis nūslāgumā saguojušī tiks aicynuoti pīsavērst vosorys saulgrīžim i „izduovynuot” Saulis zeimi grafim Plāterim, kurynuot gunkuru, staiguot bosom kuojom i peit vainogus tūs īleiguošonai Daugovā, vālajuos vakareņuos pi gunkura mīluotīs ar leidza pajimtū Juoņu sīru.

Puļciešonuos nūtiks ap 23 stuņdem Kruoslovys „Omotu ustobā”, Studentu īlā 5, pasuokuma ilgums: 2–3 stuņdis. Pīsasaceit var pa tel. 26487763 (Inta).

 

 

Karteņa: LaKuGys arhivs
Ziņu sagataveja: LaKuGa piec pasuokuma organizatoru materialim

Print Friendly, PDF & Email