Muzikis Lauris Reiniks i „Izdevniecība MicRec” eisi pyrms vosorys saulgrīžim klauseituoju viereibai nūdeve jaunuokū dzīsmi „Stāsti man”, kurā dzieržama ari latgalīšu volūda. Dzīsmei ir izveiduota ari verseja angļu volūdā.

Dzīsmis videoklips obejom versejom tyka filmāts napylnys treis dīnys Latgolā, gleznainā vītā pi Rāznys azara Kaunatys apleicīnē. Lauris Reiniks soka, ka, dūmojūt itū video stuostu, jis izreiz zynuojs, ka filmiešona nūtikšūt koč kur Latgolā, partū ka tei ir vēļ leidz golam naatkluota i naizzynuota pērle Latvejā, iz kuru ir vārts nūbraukt, pabyut ar sevi i izbaudeit mīru i skaistumu. Lauris ari pībylst, ka nu tāva pusis jamā rit eists latgalīšu ašnis i itys video ir ari kai sveicīņs senčim.
Latgalīšu volūda izskaņ klipa beigu daļā.

Karteņa: ekranšuovīņs nu klipa
Ziņu sagataveja: LaKuGa piec tvnet.lv materialim