Itymā sastdīnē, 29. junī, Preiļu parka estrade tiks pīskandynuota ar latgalīšu i lītovīšu dzīsmem i dančim, nūtiks Latgolys i Augšzemis Dzīšmu i deju festivals „Boltais putyns” („Baltais putns”).

Festivals teik reikuots, lai prezentātu Utenys (Lītova) i Preiļu nūvoda pošdarbeibys kolektivu kūpeigi izveiduotū programmu. Planavuots, ka pasuokumā pīsadaleis ap 1000 dalinīku, kai ari festivala laikā sovus izstruoduojumus i produktus prezentēs Utenys i Latgolys amatnīki.

Pasuokums tīk reikuots Latvejis-Lītovys puorrūbežu programmys projekta gaitā. Leidz šam projekta laikā ir nūtykušs rodūšuos nūmetnis folklorys kūpom, deju kolektivim, korim i pyutieju orķestrim. Nūmetņu laikā Utenys pošdarbeibys kolektivi vuicejušīs latgalīšu dzīsmis i dančus, bet Preiļu nūvoda pošdarbeibys kolektivi vuocejuos lītovīšu tradicionalūs dančus i dzīsmis.

Dzīšmu i deju festivals „Boltais putyns” tiks atkluots 18 stuņdēs Preiļu parka estrādē, nu Preiļu nūvoda pasuokumā pīsadaleis Preiļu nūvoda školuotuoju kuors „Latgale”, Leivuona senioru kors „Sendienas”, deju kūpys „Gaida” i „Dancari”, Preiļu nūvoda kulturys centra i muokslys i muzykys školys jaunīšu pyutieju orkestris, folklorys ansambli „Leiči” i „Naktineica”, folklorys kūpa „Rūtoj”.

Ziņu sagataveja: LaKuGa piec pasuokuma organizatoru materialim