Vileks nūvodā nūtiks tradicionalajai kulturai veļteitys meistardarbneicys

Vileks nūvodā nūtiks tradicionalajai kulturai veļteitys meistardarbneicys

Vileks nūvoda Vidušu pamatškolā nu 22. leidz 24. augustam nūtiks tradicionaluos muziciešonys, dzīduošonys i doncuošonys meistardarbneicys.

Projekta golvonais mierkis ir nūdrūsynuot tradicionalūs prasmju atteisteibu Vileks nūvodā, veicynuot tūs pīejameibu plašuokai sabīdreibai, eipašu uzmaneibu veļtejūt sabīdreibys izgleituošonai ar naformaluos izgleiteibys paleidzeibu par konkretom namaterialuo kulturys montuojuma prasmem Zīmeļlatgolā i īkļaunūt tuos kai byutisku sastuovdaļu turisma maršrutūs.

Projekta laikā nūtiks vairuokys meistardarbneicys:

Tradicionaluos dzīduošonys meistardarbneica – vadeis J. Veitūla Latvejis Muzykys akademejis tradicionaluos dzīduošonys pedagoge Zane Šmite;

Tradicionaluos vijūļspielis meistardarbneicu vadeis etnomuzikologe Liene Brence;

Tradicionalūs rūtaļu i danču meistardarbneicu vadeis Upītes jaunīšu folklorys kūpys vadeituojs Andris Slišāns.

Interesentim, kuri gryb pīsadaleit meistardarbneicuos, leidz 19. augustam ir juopīsasoka pa tel. 26699149 (Sandra). Vītu skaits īrūbežuots.

Projektu atbolsta: VKKF, LRAA, Vileks nūvoda dūme.

Karteņa: E. Husare, Upītes jaunīšu folklorys kūpu seminarā “Roksti”
Ziņu sagataveja: LaKuGa piec pasuokuma organizatoru informacejis

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]