Latgolys Kulturviesturis muzejs pīduovoj muzejpedagogiskū programu “Talkas Latgales sētā”.
Programa paradzāta suokumškolys i pamatškolys školānim, tuos ilgums 1 stuņde.
Nūdarbeibys laikā gon školāni, gon školuotuoji īsajuss improvizātā kruosu, skaņu i dorbu ritmā i izzynuos tolkys seņuokū nūzeimi, spieļojūt interaktivu izgleitojūšu kaitu “Senie amati un nodarbošanās latgaliešu sētā”. Školāni dorbuosīs grupuos i īsajuss kaidā nu lūmom, izzynuos par leluokajim doromajim dorbim, godskuortu tradicejom, omotim i nūsadorbuošonys veidim, kaidys agruok beja dzeivojamuos i saimisteibys ākys, kai ari apsavērs muzeja kruojumā asūšūs senejūs dorbareikus i etnografiskūs prīkšmatus.
Kaita “Senie amati un nodarbošanās latgaliešu sētā” sastuov nu 4 daļom. Vīnys nūdarbeibys laikā varēs izspieļuot vīnu kaitys daļu: pavasara, vosorys, rudiņa ci zīmys. Vuiceibu goda laikā ir īspiejams apmeklēt vysys četrys dalis saskaņā ar godskuortu maiņu i temom školu vuiceibu programuos.
Programys apmekliejums kaidai nu 4 kaitys daļom juopīsoka vysmoz nedeļu pyrma tuo.

Ziņu sagataveja: LaKuGa piec muzeja snīgtuos informacejis
Karteņa: LaKuGys arhivs