Jau itymā nedeļgolā Rogovkā suoksīs 6 dīnys garys jaunīšu naformaluos apvuiceibys „Tava ideja uz ekrāna”. Projekta temys ir fotografiešona i video veiduošona apvīnuojumā ar personeibys pylnveiduošonu. Myusu dīnuos ir svareigi apsazynuot sevi i sovu lūmu pasaulī, kai ari radeit sev tālu, kas saskaņ ar pošu vīzeju. Asūt vīnā ci ūtrā kamerys pusē i izpyldūt praktiskus aizdavumus, var atrast atbiļdis iz itim vaicuojumim. I kurs gon nav gribiejs koč kod nūfilmēt kinu ci kaidā cytā veidā padareit skaidri radzamu sovu ideju ari cytim? Par tū ari ituos apvuiceibys.

Nūtikšonys laiks i vīta 26.–31. oktobris (školānu breivdīnys), Rogovka. Ādynuošona i nakšņuošona teik nūdrūšynuota. Vaira informacejis i pīsacejuma anketa ite.

Ziņu sagataveja: LaKuGa piec pasuokuma organizatoru informacejis