Aizvadeitajā godā muzejā veiksmeigi aizasuoka jauna tradiceja – Viesturis piecpušdiņu cikls „Vēstures mirkļu pietura muzejā”. Ari itūgod ar jaunom īcerem mieneša ūtrajā ūtardīnē 14.00 stuņdēs „pītura” gaideis viesturis izzynuotuojus, vīneigi janvarī piecpušdīne nūtiks cytā dīnā – pīktdīnē 17. janvarī, kod varēsim īsaklauseit privatuo viesturnīka, vairuoku gruomotu autora Vladimira Nikonova stuostejumā par Rēzekni vacajuos atkluotnēs.

Kai stuosta kolekcionars, tod „īvāruojums nūtykums myusu zemis posta sakaru atteisteibā beja atkluotuos postkartis aba atkluotnis īvīsšona 1872. godā. 1894. godā Krīvejā pyrmū reizi tyka izdūtys ilustreitys atkluotnis, bet paguojušuo godu symta suokumā eipaši izplateitys beja skotu atkluotnis. Itymā laikā tyka izdūtys ari pyrmuos atkluotnis ar Režicys piļsātys skotim”.

Īeja: pīaugušajim 1,42 EUR (1,00 LVL), školānim 0,71 EUR (0,50 LVL).

Ziņu sagataveja: Anna Līpenīte, Latgolys Kulturviesturys muzejs
Karteņa: fotoreprodukceja nu Vladimira Nikova arhiva – breivpruoteiguos guņsdziesieju bīdreibys depo, 1900. godi.