Haikys/Laura Rancāne
Jau paguojušajā godā LaKuGa deve īspieju īsapazeit ar dzejūlim, kuru autore ir Laura Rancāne. Itūreiz pīduovojam puorskaiteit juos haikys.
***
Tu pīguoji maņ kluotu,
Izplauka lada pučis,
Saimis dzeive.
***
Gaiss sastindzs,
Mieness puori snīga laukim,
Pieški sper lauskis.
***
Nu palnutrauka
Pasaceļ dyumu stryukla,
Tu esi izguojs.
***
Lidoj dzērvu bors,
Gaisā jaušami dyumi,
Ražys nūvuokšana.
***
Es tevi mīļoju,
Uzrokstu smiļtīs,
Viļņs nūskoloj.
***
Lada važys lyust,
Tom cauri spraucas zīdeņš,
Suocās atmūda.
Leidzeigī roksti:
Dzīsmineica Laura Bicāne izdūd caturtū albumu “Ikdiena” Juņs 25, 2020 
Latgolai jauns zeimyns i darbeibys strategeja Septembris 7, 2020 
Dzīsmei “Par vosoru Latgolā” jauns video Juņs 26, 2020 
