Leivuonā tiks padūta Goda bolva kulturā
2014. goda 8. februarī svineigā pasuokumā Leivuona nūvoda Kulturys centrā tiks padūtys Goda bolvys kulturā par veikumu 2013. godā.
Par Lobuokū amatīrmuokslys kolektivu atzeits Leivuona nūvoda kulturys centra Tautys deju ansamblis “Silava” (vadeituojs Andrejs Usārs).
Bolvu nominacejā Lobuokais vadeituojs sajims Leivuona nūvoda kulturys centra sīvīšu senioru kora “Sendienas” vadeituojs Edgars Znutiņš.
Par lobuokū kulturys pasuokumu Leivuona nūvodā aizvadeitajā godā atzeits XXV Vyspuorejūs latvīšu Dzīšmu i XV Deju svātku īleiguošonys pasuokums “Jōņa dīnu gaideidama”, kura golvonuo organizietuoja ir Dīnvydlatgolys folklorys kūpu koordinatore Anna Kārkle i kurs puļcēja ap 600 dalinīku.
Par lobuokū vizuali estetiskuo tāla veiduotuoju kulturys īstuodēs 2013. godā atzeits Leivuona nūvoda kulturys centra specialists Artis Ojārs Skrūzmanis.
Ziņa sagataveita piec Leivuona nūvoda dūmis dūtuos informacejis
Karteņā: TAD “Silava” i vadeituojs Andrejs Usārs (kartenis autors: J.Magdalenoks)