Pīduovojam nūsaklauseit producentu grupys SIA “Lietišķā Latgale” taiseitūs raidejumus “Pi myusim Latgolā!”.

Piec nalelys atelpys šaļts, radejis raidejums “Pi myusim Latgolā” ar februari otkon ir kluotyn pi klauseituoju, lai ar jaunu sporu i lobuokā kvalitatē turpynuotu stuosteit par svareiguokū myusu pusē. Itūgod raidejums “Pi myusim Latgolā” informēs bīžuok – kotru catūrtdīnis piecpušdīni stuosteis par kulturys nūtykumim, pīktdīņ īsadzilinuosīs kaidā byutiskā regiona aktualitatē, bet sastdīņ gastēs pi kaida interesna cylvāka.

Pīktdīnis raidejumā teik nūskaidruots, ar kaidim leidzeklim Latgolā asūšuos pošvaļdeibys cer atgrīzt jaunūs specialistus dorbam regionā.

Sastdīņ raidejums gastejās pi atraktivim i muzykalim jaunīšim – jaunuos postfolklorys vizitkartis Latgolā – grupys “Rikši”.

Raidejums “Pi myusim Latgolā” niu skanēs radejā “Ef-Ei” (FM 91,4 Rēzekne) i “Divu krastu radio” (FM 96,9 Jākubpiļs, FM 90,1 Daugovpiļs):
catūrtdīnēs 17:30, ar atkuortuojumim pīktdīņ 10:30 i 19:30, sastdīņ 11:00 viesteis par kulturys aktualitatem;
pīktdīnēs 18:30, ar atkuortuojumu sastdīņ 13:00 – nedelis aktualitatis;
sastdīnēs 16:00, ar atkuortuojumu svātdīņ 16:00 – nedelis interveja.

Ēterā izskaniejušū raidejumu “Pi myusim Latgolā” klausīs ari latgale.lv, lakuga.lv,lietiskalatgale.lv.

Raidejuma veiduotuojim var sekuot ari socialajūs teiklūs draugiem.lv i facebook.