Latgolā tiks izruodeita “Ghetto Games” kina

Latgolā tiks izruodeita “Ghetto Games” kina

22. februarī 16.00 stuņdēs 104 Latvejis nūvodu kulturys nomūs i kinoteatrūs vīnlaiceigi tiks demonstrāta Latvejā leluokuos īlu sporta i kulturys kusteibys “Ghetto Games” 2013. goda dokumentaluo kina “Tas ir tikai sākums”. Latgolā pyrmizruodi byus īspiejams apmeklēt 9 vītuos.

Latgolā “Ghetto Games” dokumentaluo kina tiks demonstrāta Baļtinovā, Bolvūs, Daugovpilī, Leivuonā, Ludzā, Preiļūs, Rēzeknē, Varakļuonūs i Vuorkovā.

“Ghetto Games” līders Raimonds Elbakjans atkluoj: “Itei dokumentaluo kina byus na tik par 2013. goda sezonys aizvadeitajuom nūtikšonom. Itys ir stuosts par tū, ka kotram nu myusim kotru reitu ir dūtys divejis izvielis īspiejis: ceļtīs, sasnīgt sovus mierkus i padareit pasauli lobuoku voi nūslynkuot i gulēt tuoļuok. “Ghetto Games” kusteiba ir par kaisleibu, par motivaceju augt i atsateisteit. Dzeivuot ar saukli “Dzeivoj dzeivu dzeivi!”, na tik eksistēt progoreigu cylvāku radeitā sistemā. Itys stuosts ir par cylvākim, kuri dūd prīškrūku sportiskam dzeivis veidam i seve pylnveiduošonai na tik balim i nakts uzdzeivei.”

Ar seikuoku informaceju par pyrmizruodis vītu adresem īspiejams īsapazeit ite

“Ghetto Games” pīcu godu laikā topuse par nūzeimeiguokū jaunīšu kusteibu vaļstī, godā reikojūt apmāram 70 pasuokumus, vysaidys sportiskuos aktivitatis, īsaistūt ap 50 000 dalinīku i sekuotuoju. Sovukuort 2014. godā “Ghetto Family” suoce jaunīšu programys – “Ghetto Aliansis” izveidi, kurys ītvorūs tiks organizātys vaira kai 200 apvuiceibu i sporta aktivitašu vysā vaļstī.

“Ghetto Games” mierkis ir paleidzēt jaunīšim pylnveiduot sevi, dūmūt īspieju pozitivā vidē sportuot i lītdereigi pavadeit breivū laiku, atteisteit talantus i īsasaisteit breivpruoteigajā dorbā.

“Ghetto Games” kinys “Tas ir tikai sākums” treileri:




Ziņa sagataveita piec “Ghetto Family” dūtos informacejis

Print Friendly, PDF & Email