Ontona Ušpeļa jubileja izstuode Latgolys Kulturviesturis muzejā

Ontona Ušpeļa jubileja izstuode Latgolys Kulturviesturis muzejā

22. augustā 15.00 Latgolys Kulturviesturis muzejā (Atbreivuošonys alejā 102, Rēzeknē) nūtiks Ontona Ušpeļa 70. dzeivis jubilejam veļteituos keramikys izstuodis “…nu mans kamols ir gadiem biezs” atkluošona. Izstuodē ar gleznom i keramikys dorbim pīsadola ari Aivars, Vēsma i Jumis Ušpeli. Izstuode apsaverama leidz 6. septembram.

Ontons Ušpeļs itūšaļt ir pīredzis boguotuokais i vacuokais slavanuos Ušpeļu dzymtys i Sylajuoņu keramikys tradicejis puorstuovs. Dorbi atkluoj muokslinīka personeibu, pasauļa izjiutu, attīksmi pret tautys muokslys montuojumu.

Ontons Ušpeļs zynoms kai vāžu i svečturu meistars, kas aplīcynoj autora meistareibu. Pādejū desmitgadi autors veļtejs Latgolys keramikys vacmeistaru pīminis īmyužynuošonai muola ciļņu portretūs.

Ontons Ušpeļs izstuodēs pīsadola nu 1964. goda, i tūs skaits ir puori symtam. 1968. godā autoram pīškierta Tautys daiļomota meistara kvalifikaceja, 1972. godā – uzjimts Latvejis Muokslinīku savīneibā.

Ontona Ušpeļa dāla Aivara saime, struodojūt ar muolu, turpynoj senejū dzymtys tradiceju. Aivars i Vēsma Ušpeli ar zeimūlu MALNY VYLKI darynoj reducietuos keramikys traukus i cytus sadzeivē nūdereigus i skaistus prīškmatus. Ari jūs dāls Jumis ir paraudziejs muola dorbus i ar sovu veikumu kuplynoj dzeda jubileja izstuodi.

Vaira par Ušpeļu dzymtu vari izzynuot ite.

Nu 22. leidz 31. augustam izstuode attaiseita:

Trešdiņ i pīktdiņ 11.00-19.00

Catūrtdiņ 11.00-18.00

Sastdiņ 10.00-16.00

Svātdiņ 10.00-15.00

Pyrmūdiņ, ūtardiņ – slāgta

 

Nu 1. leidz 6. septembram izstuode attaiseita:

Ūtardiņ, trešdiņ, catūrtdiņ, pīktdiņ 10.00-17.00

Sastdiņ 10.00-16.00

Svātdiņ, pyrmūdiņ – slāgta

 

Īīšonys moksa izstuodē: školānim, studentim– 0,50 €, pīaugušajim– 0,80 €, pyrmsškolys vacuma bārnim – īīšona breiva

A_Ushpelis_afisha_2

Karteņa no Latgolys Kulturviesturis muzeja kruojuma.

Print Friendly, PDF & Email

Kalenders

May
29
Tre
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
May 29 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
19:00 Grupys “Saucējas” koncerts i daņ... @ Reiga
Grupys “Saucējas” koncerts i daņ... @ Reiga
May 29 @ 19:00 – 21:00
Latvejis Kulturys akademejis tradicionaluos dzīduošonys grupa “Saucējas” trešdiņ, 29. majā, 19.00 aicynoj is koncertu Āgenskolā Pāvula Jurjāna muzykys školys estradē, Bolūžu īlā 24. 
May
30
Cat
13:00 Daugovpiļs piļsātys svātki @ Daugovpiļs
Daugovpiļs piļsātys svātki @ Daugovpiļs
May 30 @ 13:00 – Jun 2 @ 19:00
Nu 31. maja da 2. juņa Daugovpiļs piļsāta svieteis sovu 749. dzimšonys dīnu, aicynojūt daugovpilīšus i gostus iz kūpeigom svineibom – piļsātys svātkim „Mana pils – Daugavpils!”. Treis dīnu garumā byus vareiba baudeit vysaidys koncertprogramys,[...]