Daugovpiļs teatris brauks gostu izruodēs pa Latveju

Daugovpiļs teatris brauks gostu izruodēs pa Latveju

Ar vairuokim īstudiejumim oktobrī i novembra suokumā Daugovpiļs teatris brauks gostu izruodēs na viņ pa Latgolu, nu ari pa cytim nūvodim, diveji īstudējumi tiks nūdūti ari Reigys skateituoju viertiejumam. 

Ar izruodi latgaliski “Dabeseibys pūddarneica” (rež. J. Jonelis) ir paradzāts leluokais gostu izruožu skaits, kod teatris gasteis Leivuonā, Preiļūs, Dagdā. Oktobra izskaņā ar komedeju “Ekstrasensa ceiņa” (rež. I. Lūsis) i saulainū īstudiejumu vysai saimei “Treis sivienteni i vylks Vilmārs” (rež. M. Korsiets) gasteis Kuldeigā i Nīgrandē. Nu 5. novembrī Jelgovā byus apsaverama komedeja krīvu volūdā “Malu detektors” (rež. I. Lūsis).

Sovukuort divejus Daugovpiļs teatra īstudiejumus byus vareiba apmeklēt Reigā. Vīns nu tūs, īprīkš mynātais īstudiejums “Dabeseibys pūddarneica” (rež. J. Jonelis), kurs byus apsaverams 8. oktobrī, Storptautiskuo mozūs izruožu festivala “Zvaigzne” ītvorūs, kas nūsarysynuos kulturys pilī “Zīmeļbluozma”. Beleti puordūšonā kulturys piļs “Zīmeļbluozma” informacejis centrā, izruodis suokums 18.00. Nu 1. novembrī “Zīmeļbluozmā” byus apsaverama vēļ vīna Daugovpiļs teatra izruode – komedeja krīvu volūdā “Biznesa klasis palata” (rež. I. Lūsis), suokums 16.00, beleti jau puordūšonā kulturys piļs “Zīmeļbluozma” informacejis centrā. 

Vaira informacejis par gostu izruožu nūrisi i beletu īguodi nūrisis vītuos. 

Print Friendly, PDF & Email

Kalenders

May
30
Cat
13:00 Daugovpiļs piļsātys svātki @ Daugovpiļs
Daugovpiļs piļsātys svātki @ Daugovpiļs
May 30 @ 13:00 – Jun 2 @ 19:00
Nu 31. maja da 2. juņa Daugovpiļs piļsāta svieteis sovu 749. dzimšonys dīnu, aicynojūt daugovpilīšus i gostus iz kūpeigom svineibom – piļsātys svātkim „Mana pils – Daugavpils!”. Treis dīnu garumā byus vareiba baudeit vysaidys koncertprogramys,[...]
13:00 Sasatikšona ar Juri Cybuli @ Reigys Centraluos bibliotekys Grīziņkolna filialbiblioteka
Sasatikšona ar Juri Cybuli @ Reigys Centraluos bibliotekys Grīziņkolna filialbiblioteka
May 30 @ 13:00 – 14:30
30. majā 13.00 stuņdēs RCB Grīziņkolna filialbiblioteka (Alauksta īlā 10) aicynoj iz sasatikšonu ar Juri Cybuli. Jurs Cybuļs ir volūdnīks, tulkuotuojs, publicists i školuotuojs, kurs vaira nakai 40 godu pietej i kolekcionej ābecis. Jurs Cybuļs[...]