17.oktobrī, vālā piecpušdīnē, Leivuona nūvoda Centraluos bibliotekys zalā “Straumes” skateituoju viertiejumam tiks nūdūta Indrys Celmenis fotoizstuode “Mirkļa pieskāriens”, kas interesentus prīcynuos leidz pat goda beigom.

Indru Celmeņu leivuonīši var skaiteit par sovejū. Ar Leivuonu juos dzeive ir bejuse saisteita vaira kai divdesmit godu garumā. Juos pyrmuo dorba vīta beja Leivuona piļsātys biblioteka, tod sekuoja dorba gaitys Leivuona eksperimentalajā biokīmiskajā ryupneicā, Leivuona 1. vydsškolā. Niu Indra ir jiurmaļneica, jaukuo suokumškolys “Taurenītis” bibliotekare, kas breivajā laikā pīsavārsuse fotografejai.

Kotrā nu izstuodē apsaveramajom karteņom radzama apstuodynuota šaļts. Kai saceja Indrys pyrmuos izstuodis Dubultu bārnu bibliotekā iniciatore Inguna Radzeņa: “Indra muok nūgiut kadrus – ka kaidam Dīvs ir devs fotografēt, tod tei ir jei.”

Vysys kartenis ir saisteitys ar dziļom personiskom emocejom, izstuodē puorsvorā eksponātys dobys ainovys. Autore soka, ka nav eipaši vuicejusēs fotografēt, tik drupeit karteņu apstruodi. “Tok ite fotošopa nav, tei ir cyta muoksla,” soka Indra.

Izstuodi teik aicynuots apmeklēt sevkurs, eipaši Indra gaida sovus bejušūs kolegus, draugus, pazinis.