Ludzā gasteis “Ontans i Anne”

Ludzā gasteis “Ontans i Anne”

26. oktobrī 15.00 skateituoji teik aicynuoti iz Ludzys Tautys nomu, kab byutu kūpā ar vysā Latvejā popularitati īmontuojušū Baļtinovys pogosta teatra trupu “Palādas”.

Nūteikti asat dzierdiejuši, ka teatris lelu atzineibu izapeļneja piec izruodis Latvejis Nacionalajā teatrī. Ludzys dzeivuotuojim i gostim byus izdeveiba caur smīklim i osorom baudeit lūmu atveiduotuojus Danskovītis izruodē “Ontana tragedeja”. Anne vuicuos ceļu satiksmis nūteikumus, kab varātu vadeit laimātū mašynu, partū ka Ontans nagryb byut par šoferi, tok iecere puorsavierš dziļā tragedejā obejom pusem.

Ideja pīraksteit lugu par pošim baļtinovīšim režisorei Anitai Ločmelei roduos spontani. I tai, nūsaglobuojuse aiz pseidonima Danskovīte, jei saraksteja lugu “Ontans i Anne”. Pyrmuo, ūtruo i trešuo daļa Ludzā jau ir radzāta, niu kuorta izruodis “Ontans i Anne” catūrtajai daļai “Ontana tragedeja”.

Īīšonys moksa: 2 eiro.

Print Friendly, PDF & Email

Nūtikšonu kalendars

Mar
21
Ūtr
22:00 Kriminalromana “Bruoli” radejis ... @ Latvejis Radeja 1
Kriminalromana “Bruoli” radejis ... @ Latvejis Radeja 1
Mar 21 @ 22:00 – 23:00
Kriminalromana “Bruoli” radejis īstudiejums latgaliski nu 21. da 25. marta Latvejis Radejis 1 eterā 22.05 stuņdēs izskanēs pīcuos daļuos.   Romana sižetu dramatiziejuse Rūta Dišlere. Īstudiejuma muokslinīcyskais vadeituojs, režisors i komponists Kristaps Rasims. “Bruoļu” radejis[...]