Izguojuse gruomota “Latgales sāga”
![Izguojuse gruomota “Latgales sāga”](https://www.lakuga.lv/wp-content/uploads/2014/11/latgales-saga-1000x667-c-default.jpg)
Izdūta Luānys Loinertis gruomota “Latgales sāga”, kas ir romans par Latgolys ļaudim – Skuteļu i Sedolu dzymtom -, kas ar saknem vysod ir bejuši dzymtajūs lauku plašumūs, 20. gs. vātrom eimūt puori i mainūt jūs dzeivis leidz napazeišonai.
Jūs vydā ir rodūši i stypri raksturi, eipašu vītu dzymtu uzplaukumā ījam sīvītis – iztureigys i pacīteigys, veirim uzticeigys i pošaizlīdzeigys.
Romans teik raksturuots kai īskots na tik Latgolys ļaužu sirds i dvēselis dzeivē, nu ari Latvejis viesturis krystpunktūs – skaiteituojam byus vareiba kluotyn tautu dālu liktinim dasadūrt ari Kārļa Ulmaņa, Viļa Luoča i cytu viesturisku personeibu izškirūšajom šaļtim. Autoris nasavaireišona nu viesturiskuma taišnys īsaistis i viesturiskūs olūtu izmontuojums dorbā līcynoj i par “Latgolys sāgys” radeituojis ambicejom, i ari eistyn padora itū romanu par daudzdimensionalu, sirdi i pruotu boguotynūšu losomvīlu.