Latgolā gaidomi nūzeimeigi ar tradicionalū kulturu saisteiti pasuokumi
Itamā vosorā Latgolā nūtiks vairuoki nūzeimeigi i storptautiska mārūga ar tradicionalū kulturu saisteiti pasuokumi.
7. junī Daugavpilī Strūpu estradē nūtiks Latgolys Dzīšmu svātki, kurūs pīsadaleis jauktī, sīvīšu i veiru kori i kūpkors, izpyldūt dzīsmis latgaliski i latviski.
Sovukuort 28. junī Viškūs nūtiks Latgolys nūvoda deju svātki, kurūs daleibu jims Latgolys viesturiskuo nūvoda deju kolektivi.
Nu 15. da 19. juļa Latvejā nūtiks storptautiskais folklorys festivals “Baltica”, ituo goda tema byus “Montuojums”. Festivalā pīsadaleis etnografiskī ansambļi, folklorys kūpys, tautys muzykys grupys, stuostnīki i individualī izpiļdeituoji. Festivala golvonuos nūrisis planavuotys Reigā i Rēzeknē. Julī i augustā festivala “Baltica” kontekstā Latgolys Kulturviesturis muzejā byus apsaverami tautys tārpi i rūtys nu vysu Latvejis nūvodu.
Karteņa: Rēzeknis Kulturys i Turisma centrs
