Nūtiks skotuvis runys konkurss “Vuolyudzāni” i latgalīšu rokstu volūdys i kulturviesturis olimpiade

Nūtiks skotuvis runys konkurss “Vuolyudzāni” i latgalīšu rokstu volūdys i kulturviesturis olimpiade

18. aprelī Rēzeknis 1. vydsškolā nūtiks 15. skotuvis runys konkurss “Vuolyudzāni” i atkluotuo latgalīšu rokstu volūdys i kulturviesturis olimpiade.

Vīns nu olimpiadis mierku ir školu jaunuotnis vydā veicynuot vītejūs kulturys vierteibu apzynuošonu i izcyluokūs nūvodnīku lobuoku pazeišonu. Olimpiadis dalinīki ir vyspuorizgleitojūšūs školu 10.–12. klašu komandys 3–5 cylvāku sastuovā, kuri kolektivi aizpylda olimpiadis aizdavumus: testu, aizdavumus latgalīšu rokstu volūdā, rodūšūs dorbus, taipat nūteik ari školānu dorbu prezentacejis. Itūgod olimpiadis aizdavumu temys ir Andryvam Jūrdžam – 145, Nikodemam Rancanam – 145, Ontonam Kūkuojam – 75, kai ari tradicionaluo prasmu puorbaudeišona latgalīšu rokstu volūdā i Latgolys kulturtests par paguojušuo goda aktualitatem.

Skotuvis runys konkursā “Vuolyudzāni” itūgod nu vīnys školys pīsadola na vairuok par 2 školānim nu kotrys klašu grupys, taipat nu vīnys školys dasaceitajim dalinīkim najimt vīnaidus dorbus. Konkurss nūteik vairuokuos vacuma grupuos: pyrmsškola, 1.-4.kl., 5.-8.kl., 9.-12.kl., kai ari studenti. Kotram dalinīkam juosagatavej 2 daiļdorbu fragmenti latgaliski, kuru garums navar puorsnēgt 3 min. Teik īsaceits da 6. apreļa organizēt konkursa atlasis kuortu školuos.

Daykumā pīduovojam īsapazeit ar skotuvis runys konkursa i olimpiadis nūlykumim, olūtu i literaturys sarokstu, kuri izmontuoti olimpiadis aizdavumu sagataveišonā.

Informaceja par pušdīņu dasaceišonu.

Print Friendly, PDF & Email

Kalenders

Jun
15
Sai
all-day Gitys Palmys izstuode “Vilcienu ... @ Roberta Mūka muzejs
Gitys Palmys izstuode “Vilcienu ... @ Roberta Mūka muzejs
Jun 15 all-day
Nu 12. apreļa da 15. juņa Roberta Mūka muzejā Gaļānūs apsaverama muokslineicys Gitys Palmys gleznu izstuode “Vilcienu meitenes stāsts”. Izstuodē apsaveramys i vairuoku godu laika periodā radeituos, i publikai īprīšk naparuodeitys, kai ari pavysam jaunys[...]
10:00 Bruņojīs ar zynuošonom. Informat... @ Rēzekne, Kulturys i atpyutys parks
Bruņojīs ar zynuošonom. Informat... @ Rēzekne, Kulturys i atpyutys parks
Jun 15 @ 10:00 – 15:00
Bruņojīs ar zynuošonom. Informativuo dīna @ Rēzekne, Kulturys i atpyutys parks
Informativuo dīna dzeivuotuojim “Bruņojies ar zināšanām”.