Vareiba bolsuot par sovu Latvejis Literaturys goda bolvys favoritu

Vareiba bolsuot par sovu Latvejis Literaturys goda bolvys favoritu

LaKuGa jau viesteja, ka Latvejis Literaturys goda bolvai (LaLiGaBa) nomināta Ilze Sperga par debeja stuostu kruojumu “Dzeiveiba”. Da 24. apreļa škārsteiklā par sovu favoritu ir vareiba bolsuot ari skaiteituojim.

Vareiba bolsuot ir portalā delfi.lv. Nūbolsuot var reizi dīnnaktī.

18. aprelī 18.00 Reigys Dizaina i muokslys vydsškolys darbneicuos Luočplieša īlā 55 nūtiks LaLiGaBa prozys lasejumi, kurymūs pīsadaleis ari Ilze Sperga.

Gaidūt bolvu padūšonu, škārsteikla žurnals satori.lv pīduovoj sarunys ar vysim bolvys nominantim.

Saruna ar Ilzi Spergu:

Bolvu padūšonys ceremoneja nūtiks 24. aprelī 18.00 Latvejis Dzeļža ceļa viesturis muzejā.

Latvejis Literaturys goda bolva ir nūzeimeiguokuo goda nūtikšona literaturys nūzarē Latvejā. 2001. godā tyka suokta tradiceja kotru godu izviertēt literarū veikumu i pīškiert bolvys literaturā, kas skaitamys par profesionaluokū noviertiejumu i atzineibu izcyluokajim dorbim, kuri goda laikā izguojuši Latvejis rakstnīceibā. Nu 2010. goda par bolvu ryupējās Latvejis Rakstnīku savīneiba, Storptautyskuo Rakstnīku i tulkuotuoju sāta i Latvejis Literaturys centrs.

Print Friendly, PDF & Email

Nūtikšonu kalendars