Latvejis Televizejis raidejumu cyklā „Teātris.zip” tyka ruodeits Daugovpiļs teatra īstudiejums „Dabaseibys pūddarneica jeb Viņa debešķības Laimesciema podniekdarbnīca”.

„Teātris.zip” gasteja Daugovpiļs teatra aktiri – Kristīne Veinšteina, Māris Korsiets, Egils Viļumovs i izruodis režisors Juris Jonelis.

2011. godā Lauris Gundars saraksteja lugu piec O. Vallaka stuosta „Epas Pillerpatas podniekdarbnīca” motivim i tū īstudēje Līpuojis teatrī. 2014. godā Daugovpiļs teatris tekstu puorveiduoje latgaliski, byutiski mainūt ari darbeibys nūrisis laiku nu 20. godu symta 30. godim iz myusu dīnom. Muoli, pūdnīka rypa – vyss izruodē nūteik kai eistā Latgolys pūdnīka darbneicā, kur treis aktiru snāgumā teik smolkai, poētiskai i kaisleigai izspālāts mīlesteibys treisstyurs.

Raidejums “Teātris.zip”

Iztruode “Dabaseibys Pūddarneica jeb Viņa debešķības Laimesciema podniekdarbnīca”