Naformaluos apvuiceibys “Latgolys bārni” Rēzeknis nūvoda jaunīšim
Četrys dīnys, nu 17. da 20. augusta, Veremu pogosta Adamovys internatpamatškolā nūtiks naformaluos apvuiceibys “Latgolys bārni”, kuruos organizej bīdreiba “Kukuži”.
Nūdarbeibys paradzātys 17 Rēzeknis nūvoda jaunīšim vacumā nu 15 da 18 godu. Naformaluos apvuiceibys “Latgolys bārni” teik organizātys jau trešū reizi, apvuiceibu dorba struktura kotru godu mainuos. Pyrmuos apvuiceibys nūtyka ar mierki popularizēt Latgolys kulturu naformalā vidē, ūtrajuos apvuiceibuos tyka uzsvārta uzjiemiejdarbeiba Latgolā, sovukuort itūgod apvuiceibys tiks orientātys turisma jūmā, kai uzjiemiejdarbeibys veida atteisteiba Rēzeknis nūvodā. Apvuiceibu ītvorūs jaunīši pīsadaleis aizraujūšā ekskursejā, kurymā varēs īsapazeit ar vysaidom turisma jūmom Rēzeknis nūvodā.
Pasuokuma mierkis ir dažaiduot jaunīšu breivuo laika aktivitatis.
Dalinīkim juonūsyuta aizpiļdeita dasacejuma anketa iz e-postu: biedribakukuzi@gmail.com da 15. augusta. Par uzjimšonu apvuiceibuos dalinīkim tiks paziņuots elektroniski.
