Teik vaicuots muzeja “Kolnasāta” direktors

Teik vaicuots muzeja “Kolnasāta” direktors

Rēzeknis nūvoda Sakstagola pogosta puorvaļde izsludynoj atkluotu konkursu iz Fraņča Trasuna muzeja “Kolnasāta” direktora omotu, informej Rēzeknis nūvoda sātyslopa.

Konkursa pretendenti aicynuoti da 9. oktobra 12.00 Sakstagola pogosta puorvaļdē īsnīgt dasacejuma anketu, paraksteitu dzeivis guojuma aprokstu (CV), augstuokū izgleiteibu aplīcynūša dokumenta kopeju, kai ari pretendenta izstruoduotu Sakstagola pogosta Fraņča Trasuna muzeja “Kolnasāta” darbeibys atteisteibys pīduovuojumu pīcim godim, kurymā nūruodeiti tuo eistynuošonys veidi i leidzekli.

Pretendentim izvierzeituos praseibys ir:

1) augstuokuo akademiskuo voi profesionaluo izgleiteiba;
2) augstuokuo leimeņa Latvejis Republikys vaļsts volūdys i lobys kaidys svešvolūdys zynuošonys;
3) zynuošonys i izpratne par muzeja darbeibu i funkcejom;
4) teicamys sadarbeibys i komunikacejis prasmis;
5) lobys dorba organizatora i vadeibys prasmis;
6) loba reputaceja.

Konkursa dasacejumu pretendents var īsnīgt personeigi, īlyktu slāgtā aplūksnē ar nūruodi: “Pieteikums konkursam uz vakanto Franča Trasuna muzeja “Kolnasāta” direktora amatu” Sakstagola pogosta puorvaļdis lītvedei voi ari nūsyutūt pa postu, īlyktu slāgtā aplūksnē ar nūruodi “Pieteikums konkursam uz vakanto Franča Trasuna muzeja “Kolnasāta” direktora amatu”, adresātu Sakstagola pogosta puorvaļdei (posta zeimūgs na piečuok kai da 2015. goda 7. oktobra). Dasacejumu var nūsyuteit ari elektroniska dokumenta veidā iz info@sakstagals.lv.

Pretendentu atbiļsteibu izviertēs ar Sakstagola pogosta puorvaļdis vadeituoja reikuojumu izveiduota viertiešonys komiseja. Viertiešona nūtiks divejuos kuortuos: pretendentu atlasē i intervejā.

Fraņča Trasuna muzejs “Kolnasāta” dybynuots 1992. gadā, kab saglobuotu i popularizātu izciluo Latgolys goreidznīka, politika, kulturys i sabīdryskuo darbinīka Fraņča Trasuna, juo dzymtys i laikabīdru, kai ari nūvoda viesturiskūs līceibu pīmiņu.

Konkursa nūlykums.

Dasacejuma anketa.

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]