Reigā stuosteis par Latgolys pūdnīceibys tradiceju
Jau kaidu laiku Latvejis Universitatis (LU) pietnīku grupa eistynoj projektu, kura uzmaneibys centrā ir Latvejis Zalta pūds. Tī, kuri gryb uzzynuot, kas tys ir, kur tys atsarūn i kai izaver myusu dīnuos, aicynuoti iz zynuotniskū seminaru, kurā runuos par Latgolys pūdnīceibys tradiceju, tuos lūmu i izpausmem cauri laikim, kai ari par pošim pūdim i tūs meistarim.
Zynuotniskais seminars „Zelta poda meklējumi” nūtiks 6. novembrī 18:20 stuņdēs Reigā LU Humanitarūs zynuotņu fakultatē Vysvalža īlā 4a, 211. auditorejā.
Seminarā uzastuos:
Janīna Kurseite – LU profesore, folkloriste
Gaida Jablovska – Raiņa i Aspazejis muzeja speciāliste, pietneice
Solvita Brūvere – Raiņa i Aspazejis muzeja vadeituojis vītneica, Jasmuižys keramikys kolekcejis aizguodne
Sigita Kušnere – literaturzynuotnīce, „Zelta poda” projekta pietneica
Rūta Šmite – folkloriste, „Zelta poda” projekta koordinatore i pietneica
Karteņa: LaKuGys arhivs
