Latgolys Kulturys centra izdevnīceiba izdavuse literatis Ilzis Keišys gruomotu “Muns laiks”, kurymā skaitami juos nu 2007. da 2014. godam radeitī dorbi latgalīšu volūdā.

Gruomotā ir 214 puslopys, tuos vuoka dizainu veiduojuse Stella Elksne.

Gruomotys izdūšonu finansiali atbaļstejuse Viļakys nūvoda dūme i Paulīne Zalāne.

Kai viestej Bolvu regiona kulturviesturis datu baze, Ilze Keiša dzymuse 1982. goda 6. martā Brīžucīma pogostā, bet nu vīna goda vacuma dzeivoj Viļakā.

Ilze raksteit suokuse 14 godu vacumā. Juos dorbi publicāti vairuokūs Rēzeknis dzejis almanahūs, literaturys almanahūs “Olūts”, vairuokys reizis ari sajamūt bolvys Latgolys Kulturys centra izdevnīceibys reikuotajūs prozys dorbu konkursūs. 2008. godā kūpā ar Māreiti Slišāni izdūta gruomota “Dzīves mīlēšana”.

Ilzis Keišys esejis ir sovpateigys, dzejiskis, emocionalys, ar sovdabeigi veiduotim garim teikumim, kurūs vuordi vērtiņojās natradicionali.

Ilze dorbojās ari Viļakys nūvoda literatu apvīneibā “Viļakas pegazs”, pīsadola tuo reikuotajūs pasuokumūs, skaita sovus dorbus sasatikšonys reizēs ar skaiteituojim.