Daugovpilī nūtiks “Laimas Muzykantu” jubileja nūslāguma koncerts

Daugovpilī nūtiks “Laimas Muzykantu” jubileja nūslāguma koncerts

Nu rudiņa “Laimas Muzykanti” turpynoj 20 godu jubileja koncertturu “Atdot tautai tautasdziesmu”, kurs tiks nūslāgts ar grandiozu šovu Daugovpiļs teatrī 10. martā 18.30.

Programā skanēs i dzīsmis nu “Laimas Muzykantu” senejuoka repertuara, i dzīsmis nu jaunuo albuma “Rodi”, i pyrmatskaņuojumi.

Grupys “Laimas Muzykanti” liders Artūrs Uškāns pastreipoj :“Koncertā uzrunuosim klauseituoju sirds, pīduovojūt i skaistys, nu napeļneitai aizmierstys, i zynomys i leidza dzīžamys dzīsmis. Mes grybom lauzt stereotipu par tautysdzīsmi kai koč kū nūvacojušu, kam vīta arhivūs i folklorys festivalūs. Tautysdzīsme var byut ari kruošņa i myusdīneiga.”

Koncertā “Atdot tautai tautasdziesmu” pīsadaleis Daugovpiļs Universitatis SDA “Laima”, latvīšu estradis zvaigzne Olga Rajecka, kai ari jaunuo, talanteiguo etnodzīduotuoja Leila Alijeva – muokslineica, kurei sovā daiļradē apvīnoj latvīšu i azerbaidžaņu muzykaluos tradicejis.

Koncerts paradzāts 2 daļuos. Storpšaļtī i piec koncerta byus vareiba īsaguoduot grupys jaunuokū CD “Rodi”.

Beletus var nūpierkt “Biļešu Paradīzes” kasēs (ari Daugovpiļs teatra kasē) voi škārsteiklā.

Print Friendly, PDF & Email

Nūtikšonu kalendars

May
28
Svā
all-day Latgolys pūdnīku dīnu 2023 izstuode @ Lūznovys muiža
Latgolys pūdnīku dīnu 2023 izstuode @ Lūznovys muiža
May 28 all-day
Izstuodē pīsadola Latgolys pūdnīceibys meistari ar pādejuo laikā taiseitajim keramikys traukim, byus apsaverama i kruošni glazātuo, i niansem boguotuo reducātuo keramika, i vyrpuoti i lepeiti trauki, i ari kasdīnā lītojamuo i dekorativuo keramika.   Lūznovys[...]