Daugovpiļs teatrī īstudej izruodi par Daugovpili

Daugovpiļs teatrī īstudej izruodi par Daugovpili

Daugovpiļs teatrī teik radeita izruode “Mana pils – Daugavpils” (režisors Jurs Jonelis), kurymā humoristiskā i reizem ari nūpītnā skotuvis volūdā tiks atspīgeļuota piļsātys dzeive. Izruodis pyrmizruode gaidoma 18. martā.

Itūreiz iz Daugovpiļs teatra skotuvis skateituojus sagaideis jaunys i naradzātys sejis – Saulis školys izgleiteibys programys “Teatra muoksla” audziekni aba tūpūšī teatra akteri. Jaunī muokslinīki veice ryupeigus nūvāruojumus, pietejūt piļsātys kasdīnys dzeivi. I itī nūvāruojumi palykušipar pamatu izruodis “Mana pils – Daugavpils” veiduošonā.

Jautrā i emocionalā stuostā veisīs raksturi, situacejis, nūtikšonys piļsātā. Atsakluos Daugovpiļs aizkulisis i varēs redzēt tū, kam kasdīnā saīt paskrīt garum. Byus vareiba baudeit pošu dzeivuotuoju radeitus daiļdorbus, atpazeit spieceigys personeibys i redzēt piļsātys vidi vysaidūs rakursūs.

Kab tys izadūtu, izruodis veiduotuoji aicynoj vysus daugavpilīšus pasadaleit ar sovim stuostim – ar kū jī lepojās sovā piļsātā, kas jūs īdvasmoj voi roda puordūmys. Tī var byut stuosti, dzejūli par piļsātu, personeibys, nūtikšonys, kartenis, video, audio – vyss, kū grybot!

Sovus stuostus var syuteit iz e-postu jurisjonelis@gmail.com voi daleitīs ar tim socialuo teikla Facebook grupā “Izrādes Mana pils – Daugavpils radīšanai”.

Karteņa: Džeina Saulīte

 

Print Friendly, PDF & Email

Nūtikšonu kalendars

Nov
25
Pīk
20:00 Grupys “Tautumeitas” koncerts @ Ādažu kulturys centrs
Grupys “Tautumeitas” koncerts @ Ādažu kulturys centrs
Nov 25 @ 20:00 – 22:00
Etno muzykys grupa “Tautumeitas” piec veiksmeiga lelkoncerta vosorys izskaņā Skultis ūstā izsludynoj jaunuokuo albuma “Skrejceļš” rudiņa koncertturi, kuruos laikā gasteis 8. oktobrī Daugovpilī, 22. oktobrī Olyuksnā, 23. oktobrī Valmīrā, 4. novembrī Talsūs, 5. novembrī Līpuojā,[...]
Nov
26
Sai
13:30 Ligijis Purinašys dzejis kruojum... @ Nacionalais Botaniskais duorzs
Ligijis Purinašys dzejis kruojum... @ Nacionalais Botaniskais duorzs
Nov 26 @ 13:30 – 15:00
Ligijis Purinašys dzejis kruojuma "pierobežas" eksotiskī skaitejumi @ Nacionalais Botaniskais duorzs
Registraceja daleibai pasuokumā ITE