16. aprelī Rēzeknis Vaļsts 1. gimnazejā nūtiks 16. skotuvis runys konkurss “Vuolyudzāni” i atkluotuo latgalīšu rokstu volūdys i kulturviesturis olimpiade, informej Latgalīšu volūdys, literaturys i kulturviesturis školuotuoju asociaceja (LVLKŠA).

Olimpiadis mierki ir školu jaunuotnis vydā veicynuot vītejūs kulturys vierteibu apzynuošonu i izcyluokūs nūvodnīku lobuoku pazeišonu. Olimpiadis dalinīki ir vyspuorizgleitojūšūs školu 10.–12. klašu i augstškolu komandys 3–5 cylvāku sastuovā, kuri kolektivi aizpylda olimpiadis aizdavumus: testu, aizdavumus latgalīšu rokstu volūdā, rodūšūs dorbus, taipat nūteik ari školānu dorbu prezentacejis.

Itūgod olimpiadis aizdavumu temys:

• latgalīšu rokstu volūdys prasmu puorbaudeišona;
• Ontonam Rupaiņam – 110;
• Fraņčam Kempam – 140 (avīze “Gaisma”);
• jaunuokuo latgalīšu literatura: I. Sperga “Dzeiveiba”;
• Latgolys kulturtests par 2015.goda aktualitatem.

Skotuvis runys konkursā “Vuolyudzāni” itūgod nu vīnys školys pīsadola na vairuok par 2 školānim nu kotrys klašu grupys, taipat nu vīnys školys dasaceitajim dalinīkim nav īteicams jimt vīnaidus dorbus. Konkurss nūteik vairuokuos vacuma grupuos: pyrmsškola, 1.-4.kl., 5.-8.kl., 9.-12.kl., kai ari studenti. Kotram dalinīkam juosagatavej 2 daiļdorbu fragmenti latgaliski, kuru garums navar puorsnēgt 3 min. LVLKŠA īsoka organizēt konkursa atlasis kuortu školuos.

Pedagogi teik aicynuoti iz konkursu dasaceit lobuokūs runuotuojus i dasacejumu raksteit iz atseviškis lopys ar školys direktora voi direktora vītnīka izgleiteibys jūmā parokstu.

Olimpiadis i skotuvis runys konkursa uzvarātuojim šūgod  byus lelys puorsteiguma bolvys.

“Vuolyudzānu” nūlykums

Olimpiadis nūlykums

2015. goda olimpiadis aizdavumi i kulturtests