RTA jauktais kors “Sonitum” prezentēs albumu

RTA jauktais kors “Sonitum” prezentēs albumu

Sonitum diska prezentaceja10. majā 18.00 Rēzeknis Tehnologeju akademejis (RTA) aktu zalā nūtiks RTA jauktuo kora “Sonitum” albuma “Dīva pasauļs” prezentaceja, informej RTA Sabīdryskūs attīceibu nūdaļa.

Ceļā iz Latvejis vaļsts 100. godadīnu RTA kors “Sonitum” ir sagatavejs sovys muzykys īrokstu. Kora rodūšais veikums, kas ir apkūpuots diska formatā, ir ari duovona Rēzeknis Tehnologeju akademejai i tuos partnerim.

Pyrma diska prezentacejis par sovu vaļsti i augstškolu pastuosteis Erasmus+ apmainis programys studenti, kurī itymā godā studej RTA. Sovukuort kora īraksteituo albuma prezentaceja paleidzēs studentim īpazeit vīnu nu latvīšu kulturys tradicejom. Studenti varēs pajimt leidza iz sovu sātu nalelu Latvejis kulturys daļu muzykys īroksta veidā, tai īpazeistynojūt ar Latveju sovys vaļsts cylvākus.

Albumā “Dīva pasauļs” apkūpuotys latgalīšu tautysdzīsmis i originaldzīsmis kora vokaluos pedagogis Guntrys Kuzminys i dirigenta Juoņa Mežinska apdarē.

Kors “Sonitum” ir dybynuots 1995. godā, tuo nūsaukums tulkuojumā nu latiņu volūdys nūzeimoj “skaņa”. “Sonitum” regulari uzastuoj RTA pasuokumūs, konfereņcēs, koru draudzeibys koncertūs, pīsadola vysūs Vyspuorejūs latvīšu Dzīšmu svātkūs i Studentu dzīšmu svātkūs “Gaudeamus”, ar panuokumim uzastuoj vysaidūs konkursūs i koru skatēs i Latvejā, i aiz tuos rūbežu.

Print Friendly, PDF & Email

Kalenders

Apr
13
Sai
all-day Osvalda Zvejsalnieka pīminis izs... @ Latgolys Kulturviesturis muzejs
Osvalda Zvejsalnieka pīminis izs... @ Latgolys Kulturviesturis muzejs
Apr 13 all-day
Izstuodē tiks eksponātys muokslinīka gleznys nu Latgolys Kulturviesturis muzeja Muokslys kolekcejis, kas puorsvorā atspīgeļoj juo agreimū rodūšū darbeibu 20. g. s. 70. godūs, kai ari 80. godu rodūšajā pylnbrīdā radeituos lelformata figuraluos kompozicejis i portretus.
15:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
Apr 13 @ 15:00 – 17:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]