Atkuortuoti izdūta gruomota “Nacionālā atmoda Latgalē”

Atkuortuoti izdūta gruomota “Nacionālā atmoda Latgalē”

Latkovskis_Nacionala_Atmoda_LatgaleLatgolys Kulturys centra izdevnīceiba atkuortuoti izdavuse Donata Latkovska gruomotu “Nacionālā atmoda Latgalē”, viestej izdevnīceibys sātyslopa.

Gruomotā salykti Latgolai nūzeimeiga deveņdesmit vīna cylvāka dzeivis guojumi i jūs davums. Īprīškejais izdavums tyka izdūts divejuos daļuos 1999. i 2002. godā, nu itūreiz vyss apkūpuots vīnā gruomotā.

Donats Latkovskis beja latgalīšu rakstnīks, žurnalists i kulturviesturnīks. Dzims 1912. godā Varakļuonu pogosta Dekšuorēs. 20 godu vacumā suocs dorbuotīs žurnalistikā, struoduojs vairuokūs laikrokstūs, vuocu okupacejis laikā bejs gazetys “Rēzeknes Ziņas” redaktors.

Suokumā Latkovskis ari pats vaira dorbuojīs literaturā (izdūti diveji dzejis kruojumi i prozys gruomota), nu 30. godu beiguos vaira viereibys veļtejs Latgolys kulturviesturis izpietei.

1943. godā Latkovskis tyka apcītynuots, piec tam pagaist bez viests.

Dorbu “Nacionālā atmoda Latgalē” Latkovskis paspēja sakuortuot nu sovim vairuokūs izdavumūs publicātajim rokstim par Latgolys 19. i 20. godu symta atmūdys darbinīkim, nu na izdūt.

Print Friendly, PDF & Email

Kalenders

May
19
Svā
all-day Foto muokslinīka Juoņa Gleizda s... @ Latgolys viestnīceiba "Gors"
Foto muokslinīka Juoņa Gleizda s... @ Latgolys viestnīceiba "Gors"
May 19 all-day
Nu 9. apreļa da 19. maja Latgolys viestnīceibys “Gors” Muokslys galerejā i pyrmuo stuova seminaru telpā eksponāta foto muokslinīka Juoņa Gleizda symtgadei veļteita izstuode “GAISMĀ. punkts”, informej “Gora” puorstuove Santa Kļaviņa. Izstuode sastuov nu Juoņa[...]
all-day Latgolys grafikys simpozeja izst... @ Rotko muzejs
Latgolys grafikys simpozeja izst... @ Rotko muzejs
May 19 all-day
Pīktdiņ, 22. martā, 16.00 stuņdēs Rotko muzejā nūtiks 12. Storptautyskuo Latgolys grafikys simpozeja nūslāguma izstuodis atkluošona i muokslinīku gūdynuošona.   Storptautyskais Latgolys grafikys simpozejs, kas itūgod nūteik nu 8. da 22. marta, jau divpadsmytū reizi[...]
all-day Rotko muzeja pavasara sezonys iz... @ Rotko muzejs
Rotko muzeja pavasara sezonys iz... @ Rotko muzejs
May 19 all-day
1. martā ar četrom jaunom Latvejis muokslinīku izstuodem tiks atkluota Rotko muzeja pavasara sezona. Kai informej muzeja puorstuovi, tamā byus apsaverama izstuode “Bastions”, kuru veiduojuse vīna nu Latvejis laikmeteiguos gleznīceibys spūdruokūs muokslineicu – Frančeska Kirke, fotografa[...]