Ludzā septembra vydā svieteis “Bīzūs svātkus”
17. septembrī Ludzys nūvoda pošvaļdeiba organizej rudiņa ražys festivalu “Bīzī svātki”, informej nūvoda sātyslopa.
Pasuokums suoksīs jau 10 stuņdēs ar rudiņa kompoziceju izstuodi “Dyžan gleits” Ludzys Tautys nomā, kai ari rudiņa stuodu tierdzeņu piļsātys parkā.
Nu 12 stuņžu Ludzys parkā byus daeimamys atrakcejis bārnim, kai ari nūtiks Ludzys nūvoda pogostu prezentacejis i rodūšuos darbneicys “Rudiņs bīzīņs”.
15.30 nu Ludzys piļsātys gimnazejis suoksīs svātku guojīņs iz piļsātys parka estradi, kur pasuokums tiks nūslāgts ar “Bīzū svātku koncertu” kūpā ar šlageraptaujis debitanti Toniju Dombrovsku i muzykys apvīneibu KOLIBRI – Juri Neretnieku.
