Izdūta Stepona Seiļa dīnysgruomota

Izdūta Stepona Seiļa dīnysgruomota

Daugovpiļs Universitatis akademiskajā apguodā “Saule” izdūta Annys Seilis sastuodeituo gruomota “Stepons Seiļs. Dienasgrāmatas 1924-1979”, viestej informaceja Daugovpiļs Universitatis sātyslopā.

Stepons Seiļs (1909–1979) viesturnīku, literaturzynuotnīku i izgleiteibys darbinīku vydā zynoms kai pošaizlīdzeigs Latgolys patriots, literats, publicists i sabīdryskais darbinīks, kas sovā dzymtajā sātā Makašānu pogosta “Kļovūs” izveiduoja vierteigu latgalīšu gruomotu i periodiskūs izdavumu biblioteku, kurymā apkūpuots Latgolys i latgalīšu kulturys montuojums. Stepona Seiļa vadakla Anna Seile ir padarejuse lelu dorbu S. Seiļa autobiografiskūs tekstu apzynuošonā, atlasejuse i īkļuovuse izdavumā kolorituokūs i kulturviesturiski nūzeimeiguokūs gruomotnīka dīnysgruomotu izrokstus, kas līcynoj par attīksmi pret latgaliskumu Latvejis sabīdreibā.

Gruomotu sastuodejuse Anna Seile, par izdavumu atbiļdeiguos Dr. philol., profesore Janina Kursīte i Dr. philol., profesore Maija Burima. Ar gruomotu var īsapazeit DU HF “Latvijas studiju centrā”. Tyvuokajā laikā tei byus daīmama DU bibliotekā,  Latgolys Centralajā bibliotekā i cytur Latvejā.

Karteņa: du.lv

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]