Attaiseis Zigfrīda Miglinīka gruomotu

Attaiseis Zigfrīda Miglinīka gruomotu

15317783_1130028707104930_2409816914735000998_n9. decembrī 14.00 Rēzeknis Centralajā bibliotekā (3. stuovā) nūtiks Zigfrīda Miglinīka gruomotys “Dzīvosim ar dziesmu” attaiseišonys svātki, viestej informaceja bibliotekys sātys lopā.

Zigfrīds Miglinīks (1941-2006) beja muzykys pedagogs, komponists i dirigents. Sovys dzeivis laikā paraleli dorbam školā ari komponējs  dzīsmis.

Dzīšmu gruomotā ir īkļautys divpadsmit Z. Miglinīka radeituos dzīsmis ar notom. Dzīšmu vuordu autori ir dzejnīki Aleksandrs Ancāns, Ontons Kūkuojs, Romualds Zarembo, Daina Avotiņa, Reinis Ādmīdiņš. Gruomotys teksti ir latvīšu literarajā i latgalīšu rokstu volūdā.

Izdavumā ir patriotiskys dzīsmis, kurymuos teik aktualizāts Latgolys motivs ar liriskuom dobys ainovom, smeļdzeigom puordūmom i ilgom par sovu dzymtū zemi. Tei ir dzīšmu gruomota sevkuram muzykys specialistam. Z. Miglinieka dzīsmis ar notom da šam nikod nav bejušys izdūtys.

Gruomota izdūta Latgolys Kulturys centra izdevnīceibā, redaktoris Bernadete Everse i Valentina Unda. Gruomotys radeišonu finansiali atbaļstejuši daudzi zīduotuoji.

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]