Reigā prezentēs gruomotu bārnim “Gostūs pi Boņuka”
![Reigā prezentēs gruomotu bārnim “Gostūs pi Boņuka”](https://www.lakuga.lv/wp-content/uploads/2017/05/Bonuks_vaks-1000x667-c-default.jpg)
31. majā 16.00 Latvejis Nacionalajā bibliotekā nūtiks gruomotys “Gostūs pi Boņuka. Stuosti bārnim par Latgolu” prezentaceja, informej vīna nu gruomotys autorem Ilga Šuplinska.
Pasuokumā varēs sasatikt ar četrom gruomotys autorem: Leigu Rundāni (dramys terapeite, latvīšu volūdys školuotuoja i dzejneica), Aelitu Andrejevu (Rēzeknis 5. vydsškolys suokumškolys i nūvodvuiceibys školuotuoja), Līnu Ivanovu (datorgrafike, bārnu gruomotu autore i ilustratore) i Ilgu Šuplinsku (literaturzynuotneica, Rēzeknis Tehnologeju akademejis profesore, kulturys i sabīdryskuo darbineica). Programā paradzātys spēlis i sarunys, taipat ari gruomotys tiks duovuotys biblioteku i školu puorstuovim.