“Ir Latgale mūsu” jaunuokī raidejumi

“Ir Latgale mūsu” jaunuokī raidejumi

Jākubpiļs “Radio 1” sagatavejs radejis raidejumu cyklu “Ir Latgale mūsu”. Pīduovojam nūsaklauseit jaunuokūs raidejumus.

Ostoitais raidejums viestej par vīnu nu Latvejis kulturys kanona styurakminim muzykā ar saknem Latgolā – Juoni Ivanovu. Pasauļa slovonais komponists sevi vysod skaiteja par latgalīti. Saruna ar Juoņa Ivanova Rēzeknis muzykys vydsškolys školuotuoju Inesi Pāvuli i komponisti Ilonu Rupaini.

Deveitais raidejums veļteits Latgolys ebrejim. Rēzeknis Zaļajā sinagogā raidejuma veiduotuoja Inga Čekša-Ratniece sasateik ar sinagogys gidu Voldemāru Ivdri, nu Ludzys Lelajā sinagogā sasarunoj ar Ludzys Nūvodpietnīceibys muzeja ekspoziceju i izstuožu kuratoru Valēriju Dzevaltovski i Ludzys nūvoda Atteisteibys i nakustamuo eipašuma nūdalis vadeituoju Ilonu Igovenu.

Dasmytajā raidejumā žurnaliste Gunta Nagle gastej Daugovpiļs cītūksnī – myusu dīnuos vīnā nu īcīneituokajim i teritorejis ziņā leluokajim turisma objektim Latgolā ar kulturviesturisku nūzeimi. Nūzeimeiguokais objekts, kas kai magnets davalk turistus nu Latgolys, Latvejis i vysa pasauļa ir Marka Rotko Muokslys centrys, kas te īreikuots pyrma četru godu. Kab izzynuotu, kod i parkū suokusēs ituos viesturiskuos vītys atdzimšona, saruna ar Daugovpiļs cītūkšņa puorvaldnīku Juoni Ostrovski. Turpynojūt ceļu iz Marka Rotko muokslys centru, tīpat pi restaurātūs Nikolaja vuortu sasatikšona ar gidu Māri Grunski. Kai roduos ideja par vajadzeibu Daugovpiļs cītūksnī radeit muokslys baudeišonys vītu – stuosta Daugovpiļs Marka Rotko muokslys centra vadeituoja vītnīks Māris Čačka.

Vīnpadsmytais raidejums viestej par iedīnim, kas montuoti nu babu i probabu, kas garšoj pošam latgalīšam i ar kū cīnej gostus. Par eistu rudzu maizi kai spāka olūtu stuosta Aglyunys maizis muzeja saimineica Vija Kudiņa, partū ka jei par maizeiti zyna cīši daudz. Par Latgolys boltū zaltu, kurs dūd spāku i veseleibu, špeku stuosta bīdreibys “Latgolys golds” vadeituojs Andris Meijers.

Divpadsmytajā raidejumā teik turpynuots izgaršuot Latgolys iedīņus i stuosteit par Latgolys kulinarū montuojumu. Itūreiz – kaidi iedīni beja saimis kasdīnys goldā, kaidi svātku goldūs, kaidus čajus dzēre latgalīši. Par tū stuosta Dagdys nūvoda turisma specialiste Inta Lipšāne, Aulejis saimineica Anna Ļaksa i “Kurmīšu” čaju saiminīks Ivars Geiba.

Treispadsmytajā raidejumā saruna ar Ondrupinis tautys noma vadeituoju Daini Plataci i folklorys kūpys “Sovvaļnīki” vadeituoju Aiju Vaičuli. Ondrupine ir vīna nu tom vītom, kur latgaliski dzīd vītejūs paaudžu paaudzēs montuotū folkloru. Kab saglobuotu ituos vierteibys, 2002. godā Dagdā tyka izveiduots Folklorys centrys, vīns nu pyrmajim itaida veida centrim Latvejā. Raidejums gastej pi Dagdys Folklorys centra vadeituojis Intys Viļumys.

Print Friendly, PDF & Email

Nūtikšonu kalendars

May
24
Ūtr
19:00 Latgalīšu rokstu volūdys nūdarbeiba @ tīšsaistē
Latgalīšu rokstu volūdys nūdarbeiba @ tīšsaistē
May 24 @ 19:00 – 20:30
Bīdreiba “LgSC” sadarbeibā ar latgalīšu kulturys ziņu portalu lakuga.lv aicynoj iz ostoņom latgalīšu rokstu volūdys tīšsaistis bezmoksys nūdarbeibom, kab kotrys interesents varātu izzynuot vaira par latgalīšu rokstu volūdu i īsavuiceit tuos pamatprincipus. Latgalīšu rokstu volūdys[...]
May
25
Tre
16:00 Maja dzīduojumi pi krysta ar etn... @ Vabalis krysts
Maja dzīduojumi pi krysta ar etn... @ Vabalis krysts
May 25 @ 16:00 – 17:30
Majs katuoļu bazneicys kalendarā ir Svātuos Jaunovys Marijis mieness – laiks, kod Vabalē teik izpuškuoti ceļa molys krysti i nūteik maja dzīduojumi. Ari itūgod, saglobojūt vīnu nu namaterialuo kulturys montuojuma tradiceju, pogosta ļauds teik aicynuoti[...]
May
26
Cat
19:00 Daņču vokors ar folklorys kūpu “... @ Augšdaugovys nūvoda kulturys centrs "Vārpa"
Daņču vokors ar folklorys kūpu “... @ Augšdaugovys nūvoda kulturys centrs "Vārpa"
May 26 @ 19:00 – 21:00
Daņču vokors ar folklorys kūpu "Dyrbyni" @ Augšdaugovys nūvoda kulturys centrs "Vārpa"
Leidza: ārtys mainis kurpis doncuošonai, dzeramais iudiņs. Daleiba breiva.
May
27
Pīk
15:00 Diskuseja par Latgolys parka att... @ Reiga
Diskuseja par Latgolys parka att... @ Reiga
May 27 @ 15:00 – 17:30
Diskuseja par Latgolys parka atteisteibu @ Reiga
Reigys dūme piec latgalīšu navaļstiskūs organizaceju rūsynuojuma lāmuse Moskovys duorzu Reigā puorsaukt par Latgolys parku. Kab dūmuotu, kai reizē ar itom puormaiņom parku padareit par pīviļceiguoku teritoreju i īspieju reidzuonim car tū vaira izzynuot par[...]
20:00 Jura Ostrovska koncerts @ Tiļžys kulturys i viesturis noms
Jura Ostrovska koncerts @ Tiļžys kulturys i viesturis noms
May 27 @ 20:00 – 22:00
Jura Ostrovska koncerts @ Tiļžys kulturys i viesturis noms