Teik veiduota Polikarpam Čerņavskim i Veronikai Kučinskai veļteita gruomota

Teik veiduota Polikarpam Čerņavskim i Veronikai Kučinskai veļteita gruomota

8. decembra Preiļu nūvoda dūmis sēdē deputati izsprīde nūdrūsynuot leidzfinansiejumu Vaļsts kulturkapitala fonda atbaļsteitam projektam – gruomotys “Līgsmības koki” izdūšonai. Preiļu nūvoda dūmis leidzfinansiejums paradzāts 1174,98 eiro apmārā, Vaļsts kulturkapitala fonda finansiejums ir 3500 eiro, sadarbeibys pošvaļdeibu finansiejums 1700 eiro, bet kūpejuos projekta izmoksys – 6374,98 eiro, informej Preiļu nūvoda puorstuove Ilona Vilcāne.

Gruomota veļteita div īvāruojamu Latvejis kulturtelpys personeibu – Latgolys keramikys tradiceju atteisteituoja Polikarpa Čerņavska i muokslys zynuotneicys Veronikys Kučinskys – dzeivei i dorbam, tei byus boguoteigai ilustrāta ar īvāruojamuo keramika dorbu attālim. Gruomota dūmuota kai izcyluo keramika Polikarpa Čerņavska (1923-1997) i zynuotneicys Veronikys Kučinskys (1929-2016) gūdynuošona, sagaidūt muokslinīka 95 godu jubileju 2018. godā i zynuotneicys 90 godu jubileju 2019. godā. Gruomota byus da šam vīneigais izcyluo Latgolys keramika dorbu foto albums. Gruomota teik veiduota sadarbeibā ar žurnalisti Antu Rugāti.

Karteņa: Inese Bērziņa (momenti.lv). Karteņai ir tik ilustrativs raksturs

Print Friendly, PDF & Email

Kalenders

May
29
Tre
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
May 29 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
19:00 Grupys “Saucējas” koncerts i daņ... @ Reiga
Grupys “Saucējas” koncerts i daņ... @ Reiga
May 29 @ 19:00 – 21:00
Latvejis Kulturys akademejis tradicionaluos dzīduošonys grupa “Saucējas” trešdiņ, 29. majā, 19.00 aicynoj is koncertu Āgenskolā Pāvula Jurjāna muzykys školys estradē, Bolūžu īlā 24. 
May
30
Cat
13:00 Daugovpiļs piļsātys svātki @ Daugovpiļs
Daugovpiļs piļsātys svātki @ Daugovpiļs
May 30 @ 13:00 – Jun 2 @ 19:00
Nu 31. maja da 2. juņa Daugovpiļs piļsāta svieteis sovu 749. dzimšonys dīnu, aicynojūt daugovpilīšus i gostus iz kūpeigom svineibom – piļsātys svātkim „Mana pils – Daugavpils!”. Treis dīnu garumā byus vareiba baudeit vysaidys koncertprogramys,[...]