Ituo goda 24. i 25. majā Eiropys Kulturys montuojuma goda ītvarūs Latvejis pilīs i muižuos pyrmū reizi nūtiks Attaiseitūs durovu dīnys. Sevkuram interesentam byus īspieja īpazeit 37 Latvejis viesturiskuos ākys nu jauna skotpunkta. Ari Latgolys muižys – Preiļu, Varakļuonu, Kruoslovys i Lūznovys muiža – jam daleibu itamā akcejā.

Ar Attaiseitūs durovu dīnom 24. majā suoksīs Baltejis piļu i muižu apceļuošonys akceja “Apmeklēsim Baltijas muižas – svinēsim kopā!”, kas veļteita Baltejis vaļstu symtgadem. Latgolā itei akceja tiks svineigi atkluota ar aktivitatem Preiļu muižys kompleksā: Preiļu muižys kapelys i ekspozicejis “Borhu dzimtas atspulgi” apskate Preiļu Viesturis i lītišķuos muokslys muzejā, lelformata šaha spēle. Sevkurs interesents var dasasceit ekskursejai pa Preiļu piļsātu i parku 24.majā plkst. 17.30.

Sovukuort jaunīši teik aicynuoti pīsadaleit konkursā “Mans biznesa plāns Latvijas pilij vai muižai” i izceineit īspieju sareikuot klasis balleiti kaidā nu Latvejis pilim voi muižom.

Vysu informaceju par Attaiseitūs durovu dīnom Latgolys pilīs i muižuos, par jaunīšu konkursu var atrast pilis.lv.

Publicitatis karteite, Aleksandrs Tolopilo.