Slutiškūs veiduos staraveru kulturys montuojuma centru

Slutiškūs veiduos staraveru kulturys montuojuma centru

Rokstu sagataveja: portals lakuga.lv

Daugovpiļs nūvoda dūmis sēdē nūlamts jimt aizjāmumu Vaļsts kasē 86 934,46 eiro apmārā iz 25 godu projekta “Rīteiropas vērtības” eistynuošonai, viestej informaceja pošvaļdeibys sātyslopā. Projektā planavuots Naujinei pogosta Slutišku sādžā renovēt lauku sātu “Slutišķi 2” i tī izveiduot staraveru kulturys montuojuma centru i rodūšuos darbneicys. Tymā skaitā projekta ītvorūs tiks izbyuvāts apmaklātuoju informacejis centrs, nūdrūsynuota Markovys piļskolna aizsardzeiba i drūša publiskuo pīejameiba, labīkuortuota atpyutys vīta “Latgales sēta”.

Projekta “Rīteiropas vērtības” vodūšais partners ir Daugovpiļs piļsātys dūme, kuruos sadarbeibys partneri projektā ir Daugovpiļs nūvoda dūme, Kruoslovys nūvoda dūme, Ludzys nūvoda pošvaļdeiba, Preiļu nūvoda dūme i Aglyunys bazilikys draudze Aglyunys nūvodā. Kūpumā projektā paradzēts atjaunuot i atteisteit sešus vaļsts nūzeimis kulturys pīminekļus, kuri atsarūn popularuokajā Latgolys turisma maršruta lūkā.

Dobys parks Daugovys lūki ar Slutišku sādžu i Markovys piļskolnu puorstuov Latgolys simboliskū ainovu i ir īkļauts UNESCO Pasauļa montuojuma Latvejis nacionalajā sarokstā.

Print Friendly, PDF & Email

Nūtikšonu kalendars