5

Rokstu sagataveja: portals lakuga.lv

Nu 3. septembra da 3. oktobra Rēzeknis Centraluos bibliotekys abonementā (2. stuovā) apsaverama muokslineicys Evitys Skrebinskys gleznu izstuode “Latgales ainava”.

Evita par sevi stuosta: „Asmu muokslineica i interešu izgleiteibys školuotuoja Austrumlatgolys radūšūs pakolpuojumu centrā “Zeimuļs”. Niule papyldynoju sovu izgleiteibu studejūt gleznīceibys restauraceju Latvejis Muokslys akademejis Latgolys filialē. Nu 2016. gods februara, kod Rēzeknis Centralajā bibliotekā beja muna īprīškejuo izstuode, vaira asmu pīsagrīzuse gleznuošonai breivā dobā. Nu plenera dorbu ari roduos izstuode “Latgales ainava”. Asmu pabejuse Rībeņūs, Ezernīkūs, Varakļuonūs i daudz kur Rēzeknis apleicīnē. Gleznoju tū, kū radzu i sajiutu. Maņ pateik atsarast dobā, kod var atsvīst steigu i ļautīs gaismu i kruosu puorejom. Īmīļuotys vītys ir parki, bazneicu duorzi, azarmolys. Dzymtuo Latgola ir deveiga ar itū skaistumu. Zīmā baudeju dobu, verūtīs caur lūgu. Tai roduos dorbi “Klusā daba uz akadēmijas palodzes”, “Skats ar cerību.” Gleznuošona vairoj manī mīru. Tū es grybu izjust otkon i otkon.”

E. Skrebinskys gleznys apsaveramys evitaskrebinskaart.blogspot.com.

Karteite: E. Skrebinskys glezna, “Ezernieki”, 2018

Roksts sagataveits ar Vaļsts regionaluos atteisteibys agenturys finansialu atbolstu nu Latvejis vaļsts budžeta leidzekļu.